Кој не ги сака измените на Изборниот законик - ДУИ поднеле 5.000 амандмани

Добивај вести на Viber

Пратеничката група на ДУИ поднела речиси 5.000 амандмани на предлог – измените на Изборниот законик. Ова од причина што од партијата сметаат дека, како што велат, процес на еднонасочно, еднострано менување на правилата на игра пред да започнат изборните процеси, е опасен преседан со кој би се соочило ова Собрание и политичката сцена во нашата држава

Пратеникот Артан Груби изјави дека тие правила на игра мора да се донесат консензуално, во согласност со сите политички партии. На новинарско прашање дали ДУИ е за менување на изборниот модел, Груби рече дека партијата е за разговори. Информираше дека за утре министерката за правда Рената Дескоска има свикано состанок на сите парламентарни, но и вонпарламентарни партии, претставници на цивилното општество и други институции, на кои ќе се разговара за изнаоѓање најдобар можен изборен модел и Изборен законик. Овие решенија, како што рече, би требало да бидат консензуално срочени во Предлог-закон и усвоени од сите затоа што тие правила на игра се однесуваат на сите. Според него, не би требало да се прават опасни преседани со партиски калкулации само за следните избори од која било страна, затоа што со тоа се отвора Пандорината кутија и нема да се знаат последиците. 

Претходно, претседателот на собраниската Комисија за политички систем Александар Кирацовски информираше дека за измени на Изборниот законик досега се поднесени 6.000 амандмани.