28 Мај, 2022
0.0294

КОЈ УСПЕАЛ НАЈМНОГУ ДА ПРОФИТИРА ОД КОТИРАНИТЕ КОМПАНИИ - сите заедно лани со добивки од 300 милиони евра

Објавено во: Финансии 03 Мај, 2022

На компаниите што котираат на Македонската берза им одело одлично во минатата година, говорат податоците кои ги објавуваат од пазарот на капитал во земјава, а кои се однесуваат на финансиските резултати од компаниите.

Во изминатата 2021 година, 91 компании кои котираат на Берзата оствариле вкупни добивки од 296 милиони евра, што е за 55 милиони евра повеќе од остварените вкупни добивки во претходната, 2020 година, кога биле реализирани профити од 241 милион евра.

Или, порастот на вкупните добивки изнесува 22,96 проценти, говорат берзанските сумирани податоци.

Инаку, треба да се има предвид дека најголемиот дел од профитот остварен кај котираните компании, се должи на профитите на банките.

Или, од овие 91 котирана компанија, од само седум банки, односно Комерцијална, НЛБ, Стопанска банка Скопје, Стопанска банка Битола, ТТК Банка, УНИБанка, како и Централна кооперативна банка, е остварен вкупен профит од 124,4 милиони евра, или речиси половината од вкупните добивки на котираните компании остварени лани.

Инаку, како што веќе пишувавме, лани сите банки во земјава оствариле вкупен профит од 149 милиони евра. Станува збор за 13 банки, откако се споија Шпаркасе и Охридска банка, но фактот што само седум од нив се котирани, говори дека шест банки не се котирани на Македонската берза.

И кога станува збор за профитабилноста, на прво место се три банки, и тоа прва е Стопанска банка Скопје со добивка од 40,1 милиони евра, а по неа следува Комерцијална банка, односно најголемата банка во земјава, чии профит лани бил 37,9 милиони евра, додека, пак, на третата позиција е НЛБ Банка со остварен профит лани од 36,1 милиони евра.

А, на четвро место е „Македонски Телеком“, чии профит лани бил 25,9 милиони евра, потоа следува најголемиот дистрибутер во земјава „Макпетрол“ со добивка лани од 22,9 милиони евра, а потоа доаѓа нашата најголема фармацевтска компанија „Алкалоид“, со профит од 21,2 милиони евра.

Од вкупно 91 котирани компании на Македонската берза, лани профитабилно работеле дури 73 компании, додека годината со загуба ја завршиле само 18 трговски друштва.

Во 2020 година, пак, која беше означена како пандемиска, 65 компании работеле со добивка, а загуба имале 26 фирми, што значи дека кај осум компании има сериозно подобрување, односно тие преминале од зоната на негативата, во зоната на позитивното работење.

Притоа треба да се напомене дека списокот на котирани компании содржи 94 фирми, од кои три се долгорочно суспендирани од котација, и тоа „Арцелор Митал“ ХРМ, „Трудбеник“ Охрид, и „Благој Туфанов“ од Радовиш.

Но, и загубата се зголемила минатата година во однос на претходната 2020 година. Па така, ако 18 фирми лани имале вкупна загуба од 22,1 милиони евра, во 2020 година загубата на 26 компании изнесувала 17,4 милиони евра, што значи дека имаме и порст на вкупниот негативен финансиски резултат од 4,7 милиони евра.

Најголем негативен финансиски резултат имала компанијата „Бетон“ Скопје, и тоа 12,8 милиони евра.

Н.Н.Ф.

Можеби ќе ве интересира

БАНКИТЕ И ГОДИНАВА НЕМА ДА ДАВААТ ПОВЕЌЕ ПАРИ ЗА РИЗИК ОД ПРОПАЃАЊЕ - премијата за Фондот за депозити останува 0,25 отсто

БАНКИТЕ И ГОДИНАВА НЕМА ДА ДАВААТ ПОВЕЌЕ ПАРИ ЗА РИЗИК ОД ПРОПАЃАЊЕ - премијата за Фондот за депозити останува 0,25 отсто

Ребалансот на буџетот стигна во Собрание - ќе дискутираат ли пратениците за зголемените приливи и расходи?

Ребалансот на буџетот стигна во Собрание - ќе дискутираат ли пратениците за зголемените приливи и расходи?

ЗА СТАН, ЗА РЕНОВИРАЊЕ, ЗА БЕЛА ТЕХНИКА, СЕ БАРА КРЕДИТ ПОВЕЌЕ - за жал, ерата на евтините заеми изгледа заврши

ЗА СТАН, ЗА РЕНОВИРАЊЕ, ЗА БЕЛА ТЕХНИКА, СЕ БАРА КРЕДИТ ПОВЕЌЕ - за жал, ерата на евтините заеми изгледа заврши

НАЈНИСКАТА ПЛАТА ВО ЗЕМЈАВА Е 17.790 ДЕНАРИ И НЕА ЈА ЗЕМААТ ВРАБОТЕНИТЕ ВО ЗАШТИТНИТЕ И ИСТРАЖНИТЕ ДЕЈНОСТИ - еве кои се топ петте со најлоши примања

НАЈНИСКАТА ПЛАТА ВО ЗЕМЈАВА Е 17.790 ДЕНАРИ И НЕА ЈА ЗЕМААТ ВРАБОТЕНИТЕ ВО ЗАШТИТНИТЕ И ИСТРАЖНИТЕ ДЕЈНОСТИ - еве кои се топ петте со најлоши примања

ВЛАДАТА ЌЕ КРАТИ 200 МИЛИОНИ ЕВРА НЕПРОДУКТИВНИ ТРОШОЦИ СО РЕБАЛАНСОТ - БЕСИМИ: Ќе го заштитиме животниот стандард на граѓаните, дури и да продолжи кризата

ВЛАДАТА ЌЕ КРАТИ 200 МИЛИОНИ ЕВРА НЕПРОДУКТИВНИ ТРОШОЦИ СО РЕБАЛАНСОТ - БЕСИМИ: Ќе го заштитиме животниот стандард на граѓаните, дури и да продолжи кризата

ВО ЈУЛИ ЛАНИ ГО ИЗВЕСТИВМЕ МВР ЗА СЛУЧАЈОТ СО НЕОСНОВАНИ ДАНОЧНИ ПОБАРУВАЊА - Лукаревска не коментира дали води до високи функционери на власта

ВО ЈУЛИ ЛАНИ ГО ИЗВЕСТИВМЕ МВР ЗА СЛУЧАЈОТ СО НЕОСНОВАНИ ДАНОЧНИ ПОБАРУВАЊА - Лукаревска не коментира дали води до високи функционери на власта

ФИТИ, СЛАВЕСКИ, СТАВРЕСКИ, АНГЕЛОВСКА, МИНОВСКИ... - Бесими ги собра претходниците на консултации

ФИТИ, СЛАВЕСКИ, СТАВРЕСКИ, АНГЕЛОВСКА, МИНОВСКИ... - Бесими ги собра претходниците на консултации

СЕ ВРАЌА ДОВЕРБАТА ВО ДЕНАРОТ - во април денарски штедни влогови не само што не се повлекуваа, туку и се вратија назад 17 милиони евра во банкарските канали

СЕ ВРАЌА ДОВЕРБАТА ВО ДЕНАРОТ - во април денарски штедни влогови не само што не се повлекуваа, туку и се вратија назад 17 милиони евра во банкарските канали

Просечната плата во март надмина 30 илјади денари

Просечната плата во март надмина 30 илјади денари