Која е тајната формула на менаџерите на ТТК Банка? Добивката порасна 36 отсто
Објавено во: Финансии 01 Февруари, 2023 07:55
Добитна комбинација на менаџерите на ТТК Банка лани беа намалените резервации при исто ниво на нето приходи од камати и провизии, засилени со солиден раст на останатите приходи од дејноста. Добивката достигна еден милион евра во услови на намалено кредитирање, снижено вложување во државни хартии од вредност и пад на депозитната база од 7 отсто.
Голем успех и резултат за почит е кога една од најмалите банки ќе ја зголеми добивката за 36 отсто. Особено ако се има предвид острата конкуренција меѓу десетина банки (сегментот на средни и мали банки) кои се борат за своето пазарно учество на македонскиот банкарски пазар.
ТТК Банка има успешна година, а нејзиниот финансиски резултат сигурно ќе ги израдува нејзините акционери – кои се научени на пристојни и редовни дивиденди. Успешната оптимизација на приходите и трошоците доведе до тоа оваа банка да стигне до нето профит од 990.000 евра или 36 отсто повеќе од 2021 година.
Тоа е реализирано во услови на намалени нето приходи од камати, намалено кредитирање и пад на депозитите.
Да тргнеме со ред. Нето приходите од камати на ТТК Банка за лани изнесуваат 4,05 милиони евра и се за нијанса пониски од претходната година. Делумна компензација дојде со зголемувањето на нето приходите од провизии и надоместоци кои достигнаа 3,24 милиони евра.
Значајна поддршка за финансискиот резултат или народски кажано ветар во грб дадоа останатите приходи. Тие се дуплирани во однос на 2021 година и достигнаа еден милион евра. Иако помала ставка, но вредно за истакнување е тоа што за 27 отсто пораснаа и приходите од курсни разлики и достигнаа 229.000 евра.
И секако клучниот „зачин“ за одличниот резултат се намалените резервации. Тие за лани изнесуваат 1,1 милиони евра што е за 64 отсто помалку од претходната година.
Кај трошоците нема значајни промени. За вработените лани се издвоени 3 милиони евра и тоа е за нијанса повеќе од претходната година. Тоа укажува дека банката мисли и посветува внимание за своите вработени.
За да се добие комплетна слика многу е важно да се истакне дека банката го намали интензитетот на кредитирање, на вложување во државни хартии од вредност, а истовремено со тоа го намали и депозитниот потенцијал.
Кредитирањето на крај на 2022 година изнесува 78,2 милиони евра што е за 2,2 милиони евра помалку од претходната година. Вложувањето во хартии од вредност е намалено за 19 отсто односно за 5 милиони евра и изнесува 20 милиони евра. Депозитната база е помала за 7 отсто и на крај на ланската година изнесува 116,2 милиони евра.
Р.Ф.* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ФЕД ПО ТРЕТ ПАТ ГИ НАМАЛИ КАМАТИТЕ: Пауел вели засега е доволно
ГАРАЖА ВО АЕРОДРОМ ПРОДАДЕНА ЗА 30 ИЛЈАДИ ЕВРА, А ЗА КВАДРАТ ЗА СТАН ВО ЦЕНТАР ПЛАТЕНИ БЛИЗУ 3.000 ЕВРА: Еве каде и за што се давале најмногу пари
ОРЦЕ ГО ЗАТЕГА ЌЕСЕТО: Се намалуваат надоместоците за членовите на управните и надзорните одбори
„НЕШТО КАКО ЗЕЛЕНА КАРТА, САМО ПОСОФИСТИЦИРАНА“: Пристигна „Trump Platinum Card“, еве кој ќе може да си ја дозволи
ИНВЕСТИТОРИТЕ ЈА ЧЕКААТ ОДЛУКАТА НА ФЕД - се менуваат ли пазарните стратегии?
Нов извештај од Германците покажува: Ова се најдобрите, а ова се најлошите автомобили
„Буџетот не е само документ со бројки и табели – тој е економска порака за стабилност“: Димитриеска Кочоска од Собранието
СКОПЈАНИ „ДО ГУША“ ЗАДОЛЖЕНИ ЗА ДАНОК НА ИМОТ: На градот му должат над 36 милиони евра
МФ: Утре завршува рокот за запишување граѓански обврзници од третата емисија, каматата 4,5%, рочноста 2 години
