КОЈА ИМ БИЛА ВОЗРАСТА И ИМАЛЕ ЛИ И ДРУГИ БОЛЕСТИ - јавноста не ги дозна сите детали од надлежните
Објавено во: Македонија 29 Јуни, 2020
Викендов од коронавирусот во земјава починаа вкупно 18 лица. За тоа Министерството за здравство и министерот Венко Филипче информираа на своите официјални фејсбук страници.
Но, она што остана нејасно, е зошто не беше објавена возраста на починатите пациенти. Истото се случи и во четвртокот минатата недела.
Односно, во саботата беше објавено дека се починати 9 лица, од кои шест пациенти од Тетово и тројца пациенти од Скопје.
Во неделата, пак, беше објавено дека се починати девет лица, седум пациенти од Скопје, еден од Тетово и еден пациент од Струга.
За овие пациенти не беше објавено ниту колку години имаат, ниту дали имале некои коморбидитети, односно други болести, поради кои би дошло до комлицирање на состојбата.
Новинарите кои известуваат за здравствената криза, преку сопствени истражувања дошле до податоците за годините на возраст на починатите пациенти.
Од нивните истражувања се дозна дека вчера во ГОБ „8 септември“ починале од Скопје двајца пациенти на возраст од 62 години, а останатите биле на возраст 56, 59, 74, 88 и 73 години.
Во КБ Тетово е починат еден пациент на возраст од 79 години. Бил евидентиран и пациент од Струга починат во „Филип Втори“ (Жан Митрев) на возраст од 84 години.
Претходно, во сите соопштенија беа наведени податоци за возраста на пациентите, во која здравствена установа починале, и кога биле хоспитализуирани.
Со оглед што станува збор за сериозна здравствена криза, од здравствените власти се очекува многу подетално и попрецизно да ја информираат јавноста за починатите пациенти, односно таа да биде навремено запознаена за нивната возраст, времето на хоспитализација и болницата каде се лекувале, но и за евентуалните коморбидитети кои ги имале овие луѓе.
Од почетокот на епидемијата, во македонија од КОВИД-19 се починати 286 лица. Просечната возраст, според Институтот за јавнбо здравје, е отприлика над 60 години.
Имаше бројни случаи, во кои и помлади лица ја изгубија битката со подмолната болест.