Колку милиони евра ќе плати Град Скопје за струја во период од една година?
Објавено во: Економија 19 Декември, 2024
На тендерот за снабдување со струја на Градот Скопје се јавиле две фирми од кои како најповолна е одбрана таа што дала пониска трговска маржа. Од вкупните 3,25 милиони евра Градот Скопје за струја ќе плати 2,75 милиони евра, за трговска маржа 413.000 евра и за ДДВ уште 496.000 евра. Дури 80% од струјата е наменета за уличното осветлување на јавни површини, булевари и улици кои се надлежност на Град Скопје
Градот Скопје избра најдобар понудувач со кој ќе склучи договор за снабдување со електрична енергија за период од една година. Според јавно достапните податоци на Бирото за јавни набавки нов снабдувач на Град Скопје ќе биде компанијата Електрисити Деливери Солушнс (ЕДС) која на тендерот дала подобра понуда односно понудила пониска трговска маржа од конкурентната компанија СБП Енерџи продакшн од Струмица.
Трговската маржа што ќе ја наплати ЕДС изнесува 15 отсто од цената на секој испорачан киловат час за потребите на Град Скопје. Струмичка фирма која го изгуби тендерот понудила 19,5 отсто трговска маржа.
Градот Скопје за електрична енергија во период од една година ќе плати 200 милиони денари односно 3,25 милиони евра. Од тоа за набавка на електрична енергија со вклучена трговска маржа се предвидени 2,756 милиони евра. Односно 413.000 евра за трговска маржа на ЕДС и уште 2,34 милиони евра за електрична енергија. За ДДВ на електричната енергија Град Скопје ќе плати 496.000 евра.
Според техничката спецификација која ја изготвил Град Скопје и врз основа на која е спроведен тендерот најголемата македонска локална самоуправа односно Град Скопје планира да потроши 11.500 мегаватчасови електрична енергија. Најголема дел од целата количина односно 9.000 мегаватчасови Градот Скопје планира да потроши за ноќно улично осветлување. Од тоа апроксимативно се 3.000 мегаватчасови во висока тарифа (народски скапа струја н.з.) и уште 6.000 мегаватчасови во ниска тарифа (евтина струја). За сите свои други потреби градската управа планира да потроши 2.500 мегаватчасови. Од тоа 1.500 мегаватчасови во скапа струја односно висока тарифа и уште 1.000 мегаватчасови во евтина тарифа.
Во цената за електрична енергија која се наплаќа според унгарската берза ХУПЕКС снабдувачот ги превзема и трошоците за балансирање, набавка на електрична енергија, трошоците за увоз и царина, за планирање и номинирање на потрошувачката како и за закуп на прекугранични капацитети за пренос на струја.
Град Скопје треба да си ги плати надоместоците за мрежарините на МЕПСО, на Електродистрибуција, на Операторот на пазар за електрична енергија и надоместокот за повластените производители на електрична енергија.
Сите детали од договорот за снабдување со струја на Град Скопје се достапни на следниот линк https://e-nabavki.gov.mk/PublicAccess/home.aspx#/dossie-acpp/25288e3c-d598-4fa7-b3ae-2fb05f0d1e14
Н.С.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ЕСМ СЕ ЗАДОЛЖУВА КАЈ ГЕРМАНСКАТА КФВ: парите ќе ги користи за фотоволтаичнатацентрала Битола и ветерниот парк Богданци
ЕДНА ПРИКАЗНА, ЕДЕН ВЕК – ГАЗОЗА НАЈМНОГУ СЕ ИЗВЕЗУВА ВО АВСТРИЈА: Првиот човек на Прилепска пиварница, Сашко Самарџиоски во „Бизнис муабети“ на Фактор
ЕР СРБИЈА РАСТУРИ: Летово за српските туристи чартер лет до Кавала
ОВА Е ANTI-AGE ДОКТОРКАТА СО ПОТЕКЛО ОД СРБИЈА - нејзината клиника во Дубаи се разликува од останатите
КАКО ЗАСВЕТИ ЗЛАТОТО НА „ЗЛАТАРА РУБИН“ - на приходи од 1,1 милиони евра, еве колкава е ланската добивка
СЕВЕРНОКОРЕЈСКИ ХАКЕРИ КРАДАТ ПАРИ ОД КРИПТО СТАРТАПИ: Прво се претставуваа како лажни работници, а сега се лажни инвеститори
ЦЕНАТА НА ГОРИВАТА МОЖАТ ДА СКОКНАТ ДО 70 ЕВРА! Еве ги прогнозите на аналитичарите
ПУШАЧИТЕ СИ ГИ „ГОРАТ“ ПАРИТЕ: Што би можеле да направат со финансиите кои ги трошат за овој порок?
ДУБАИ ЧОКОЛАДОТО ЈА ПОЛУДЕ ЕВРОПА: Луѓе во редици чекаат и по 10 часа, на црниот пазар чини 300 евра!
