Колку може да заработи Дедо Мраз во Македонија?
Објавено во: Финансии 23 Декември, 2016
И покрај пишувањата на медиумите во регионот дека како Дедо Мраз може добро да се заработи, и дека одредени компании бараат голем број на луѓе кои ќе глумат Дедо Мраз за празниците, во Македонија состојбата е поинаква.
Се работи неколку денови, а хонорарот е скромен. Младиот Виктор Михајловски од Куманово има 26 години и деновиве е ангажиран како Дедо Мраз. Тој е невработен и затоа се одлучил на ваков начин да заработи, иако вели се заработува малку затоа што граѓаните немаат пари и за многу деца фотографирањето со Дедо Мраз е луксуз.
„Децата сакаат да се сликаат, ама родителите немаат пари и тоа е најголем проблем. Со ѕвоното ќе тропнам и децата ќе се свртат, но родителите продолжуваат и не обрнуваат внимание. Многу е слабо и не може да се заработи многу. Прв пат ми е ова да бидам Дедо Мраз, а лани и оваа година е катастрофа“ – вели Михајловски.
Сопственик на фото студио од истиот град кој ангажира Дедо Мраз неколку денови пред Нова година раскажува дека фотографирањето е 50 денари или неколку пати поевтино од цената за истата услуга во Скопје, но интересот е слаб.
„Триесет години работам, две-три години имаме и Дедо Мраз и размислувам да затворам. Дедо Мраз има вештини да ги анимира децата, но народот нема пари. Имав четири-пет кандидати оваа година кои сакаа да работат како Дедо Мраз, одбрав еден. Во Скопје е поинаку, има повиски плати“-објаснува тој.
Од Дигитал експрес фото студио Лидија од Битола велат дека сега не ангажираат Дедо Мраз за празниците, а пред неколку години носеле Дедо Мраз низ градинките.
„Не може многу да се заработи. Се зависи колку деца ќе се фотографираат со Дедо Мраз. Таа појава ја снемува некако. Сега гледам само кај Саат кулата во Битола има Дедо Мраз кој стои на отворено и толку“ – додаваат оттаму.
Љубен Спироски, соптвеник на фото студио Сонгем од Охрид вели дека веќе 10 години не практикува да работи со Дедо Мраз затоа што не е исплатливо. Додава дека во неговиот град иако е туристички центар на прсти се бројат оние кои овозможуваат фотографирање со Дедо Мраз и работа за оние кои сакаат да глумат Дедо Мраз.
Сања Атанасовска
Можеби ќе ве интересира
ОВИЕ РАСТЕНИЈА МОЖАТ ДА ДОНЕСАТ ВИСТИНСКО БОГАТСТВО: Годишно може да се заработат 40.000 евра, само еден грам зачин чини 40 евра
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
КАКО Е ДА СЕ БИДЕ РАБОТНИК ВО ШПАНИЈА: Се грижат за менталното здравје, а еве ги нивните плати
ПАРКИНГ ПРОСТОР НА ПРОДАЖБА ЗА „САМО“ 500 ИЛЈАДИ ЕВРА: Има само 18 метри квадратни, а се наоѓа на зелен простор! Еве каде е овој луксуз
КОЛКУ ЗАРАБОТИЈА РУСКИТЕ ОЛИГАРСИ ОД ПОЧЕТОКОТ НА ИНВАЗИЈАТА ВО УКРАИНА: сега има многу повеќе милјардери!
ЦЕНАТА НА ЗЛАТОТО ПАДНА, НАФТАТА ПОД 84 ДОЛАРИ - Европските и американските берзи бележат раст
СТРАВ ОД ОДМАЗДА - веќе не се зборува за конфискација на руски имот
