Колку на Македонците,Србите и Хрватите им треба за да заработат милион евра

Добивај вести на Viber

Македонецот до првиот милион би можел да дојде после 189 години, Србинот чека 158, додека Хрватот по 80 години може да ужива во еден милион евра. По методите на лондонски Економист, кој истражувал колку години е потребно просечно домашно семејство во светот да заработи еден милион долари, Ал Џезира пресмета колку треба да се работи за милион евра во нашиот регион. Истражувањето на Економист, покажало дека на членовите на просечно семејство во САД им е потребно 20 години за да станат милионери. Интересен е податокот дека во САД има најмногу домаќинства со заработка од еден милион, во Данска пак е потребно некаде околу 30 години, слично како и во Канада и Јапонија. Во Франција, Германија и Велика Британија ви е потребно 40 години до првиот милион, а во Италија и Бразил, близу 50 години. Ал Џезира пресмета дека  просечно семејство, каде во секое  трето работат двајца членови од фамилијата, во Словенија до милион евра може да се стигне за 60 години. Просечно хрватско семејство за таа магичка бројка чека 80 години. Додека Црногорците милионот не би го дочекале ни до крајот на својот живот, бидејки за милион во оваа земја се потребни 130 години работа. За народот кој живее во Босна и Херцеговина се зборува дека има трпение, сепак 149 години се многу за да се дочека милионот. Во Србија е уште подолг периодот, 158 години. А во Македонија би се начекал и Александар Македонски. Просечно македонско семејство би требало да чека цели 189 години за еден милион. А секако не треба да се заборави и условот дека од тие плати никој ништо не треба да троши, ниту за храна, ниту пак за струја, туку да живее од воздух. Сепак ако е за утеха кога просечната плата би била мерило, тогаш просечно бугарско и турско семејство за милион евра би требало да чекаат по 250 години,а Румунците неверојатни 350.