Колку пари трошите за годишен одмор!?

Добивај вести на Viber

Студијата "Европски летен барометар", на Фератум груп, лидер во финансиските технологии и иновации во онлајн кредитирањето е направено меѓу 17 европски држави меѓу 5 685 домаќинства, за ставовите на европските семејства и споредувајќи ги нивните трошоци за планираниот одмор во текот на ова лето. Податоците покажуваат дека во источноевропските земји релативните трошоци за одмори се многу повисоки отколку на Запад (со исклучок на Шпанија) и жителите имаат тенденција да се одвојат речиси половина од расположливиот приход на домаќинството за летен одмор. Естонија и Латвија се на челните позиции со над 60% од месечните примања, кои се одвојуваат за летниот одмор. На крајот на листата се рангираат Данска и Германија, кои трошат најмалку (односно 27% и 28% од приходите). Со мала разлика по нив се северните држави и Обединетото Кралство, кои се поконзервативни во однос на парите, кои имаат намера да ги потрошат за летен одмор оваа година. И покрај овие податоци целокупната ситуација во Европа е подобрена во однос на минатото лето. Повеќе од 30% од анкетираните домаќинства на Стариот континент планираат да потрошат повеќе пари во споредба со можностите во претходниот летна сезона, додека 40% имаат намера да потрошат сума еднаква на онаа од минатата година. Најчесто европските туристи трошат за патувања во сопствената држава, кои изнесуваат 17% од расположливиот приход на домаќинствата. Шпанците одвојуваат најмногу за патувања низ родната земја (25%), следени од Литванија (21%) и Данска (20%). Шведска, Финска и Бугарија се подредуваат на 4-та позиција со 19%. Најстрасни патници зад граница ова лето се Холанѓаните и Британците (17%), проследени со Данците и Швеѓаните (15%), Германците (13%) и Бугарите (12%). Втората по големина група летни трошоци се формираат од социјални активности како забава по барови, ресторани и трошење време на плажа. Повторно Шпанците се на челна позиција со 24% вложен износ во слични активности. Данците и Швеѓаните се исто така љубители на одењето на забави и ресторани (16%), проследени од туристите од Полска и Хрватска. Европскиот Летен Барометар на Фератум груп покажува дека 12% од вкупните трошоци на Европејаните во текот на летото се прават за подобрување на домот, градината и освежување на гардеробата. Бугарите (21%) и Латвијците (19%) користат поволна време од сезоната за реализирање на проекти од типот "направи сам" и градинарство, додека Германците го прифатат како можност да потрошат 14% од своите приходи за нова летна облека. За големо изненадување летните фестивали и спортски настани всушност не се толку популарни, како што можеби се претпоставува. Само 5-6% од трошоците на Европејаните одат за слични настани. Обработка: К.К. Извор: Фератум груп