28 Март, 2024
0.0250

Комерцијална банка „корона вирус“ не ја фаќа!

Објавено во: Финансии 30 Јули, 2020

Добивај вести на Viber

Комерцијална банка за половина година направи добивка што надмина 12 милиони евра. Клуч за успехот се останатите приходи што значи продажба на имот што бил превземен врз основ на ненаплатени кредити. Тука предничат „Технометал Вардар“ за продажбата на чиј имот веќе пишувавме и на скопската фирма „Прототип“. Како и да е, одлични вести на акционерите на Комерцијална банка

Во услови на светска пандемија на COVID 19 и во време кога и домашната економија е во смут и агонија, „Комерцијална банка“ има фантастичен финансиски резултат. Нејзината добивка, според единечниот биланс на успех е 12,1 милиони евра за првите шест месеци што е за 1,1 милиони евра подобар резултат од лани!

Во првите шест месеци годинава најголемата домашна банка според активата има неверојатни приходи од камати и уште подобри нето приходи од камати. Нето приходите од камати за половина година изнесуваат 19,6 милиони евра што е за 603.000 евра повеќе од истиот период лани. За сметка на одличниот раст на нето приходите од камати годинава значајно потфрлиле приходите од втората најголема приходна ставка – надоместоците и провизиите. Тие се пониски за 873.000 евра од лани и за првите шест месеци годинава изнесуваат 6,7 милиони евра. Падот на приходите од провизии и надоместоци е директна последица од намалената економска активност како на фирмите така и на граѓанството во вториот квартал годинава. За истакнување и тоа што банката во овие услови заработила над 350.000 евра и од курсни разлики што иако мала сума во споредба со другите приходи е вредна за истакнување.

Клуч на успехот на оваа банка за првите шест месеци се останатите приходи од дејноста. Од нив (најверојатно продажба на движен и недвижен имот н.з.) банката остварила приход во вкупен износ неверојатни 17 милиони евра што е за 13,5 милиони евра подобар резултат од истиот во претходната година. Како што веќе пишувавме успехот на банка за вториот квартал во значајна мерка е резултат на продажбата на превземен имот врз основа на ненаплатени побарувања од поранешниот гигант „Технометал Вардар“ како и од скопската фирма „Прототип“.

За првите шест месеци резервациите очекувано заради зголемените ризици пред се од непредвидливоста на негативното влијание на новиот вирус врз економија се зголемени за 11,6 милиони евра во споредба со истиот период лани и изнесуваат 18,5 милиони евра. Во структурата на другите трошковни ставки нема значајни поместувања во споредба со лани.

Кај билансот на состојба најзначајно за истакнување е тоа што расте кредитирањето за 79,5 милиони евра до износ од 905,4 милиони евра исто како и вложувањето во државни хартии од вредност за 70 милиони евра во износ од 283,6 милиони евра. Важно е да се истакне и тоа што оваа банка ги намалила своите побарувања од банки за 60 милиони евра. Нивото на депозити надмина 1,8 милијарди евра,  вкупната активна на банката надмина 2 милијарди евра.

Во оваа прилика вреди да се истакне дека Образложението кон резултатите е за пример за другите компании и банки зашто содржи некои нови важни детали кои можат да бидат корисни за сите актуелни и потенцијални вложувачи во акцијата на таа банка.

Р.Ф.


Можеби ќе ве интересира

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

Доларот зајакна по најавата за намалување на каматните стапки

Доларот зајакна по најавата за намалување на каматните стапки

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка

НИСКИТЕ ТЕМПЕРАТУРИ НАПРАВИЈА НЕВИДЕНИ ШТЕТИ: Премрзнаа овошните дрвца во Росоман

НИСКИТЕ ТЕМПЕРАТУРИ НАПРАВИЈА НЕВИДЕНИ ШТЕТИ: Премрзнаа овошните дрвца во Росоман

НАФТЕН ГИГАНТ ПРОДАВА НАД ИЛЈАДА ПУМПИ ШИРУМ СВЕТОТ: Еве што се крие зад одлуката на „Шел“

НАФТЕН ГИГАНТ ПРОДАВА НАД ИЛЈАДА ПУМПИ ШИРУМ СВЕТОТ: Еве што се крие зад одлуката на „Шел“