КОМЕРЦИЈАЛНА БАНКА СЀ ПОВЕЌЕ БАРАНА - платени 130 илјади евра во блок со 454 акции

Добивај вести на Viber

Сто и триесет илјади евра за 454 акции. Толку платил некој инвеститор вчера преку берзанска блоктрансакција, за да се стекне со овој акционерски пакет на најголемата банка во земјава, Комерцијална банка.

Според берзанската објава, овие 454 акции на Комерцијална банка, кои се продадени во еден наврат на еден познат купувач, се платени по цена од 17.600 денари а акција. Тоа е нешто повисока цена од онаа по која вчера просечно се тргувало со акциите на оваа наша успешна банка, а која изнесувала 17.574 денари за акција и кога биле истргувани 390 акции

Со оглед на вкупниот број акции кои ги има издадено оваа банка, излегува дека продадениот пакет акции е многу мал и изнесува само 0,02 отсто, и за него се платени 129 илјади евра.

Пред околу еден месец, и Комерцијална банка, но и Стопанска банка Битола, и тоа во исти ден, обзнанија дека стартува процедурата за евентуално присоединување на Стопанска банка Битола кон Комерцијална банка. 

Како што и најавија, од Комерцијална банка ја почнуваат постапката за длабинска анализа, од која ќе стане навистина јасно дали ќе се оствари присоединувањето кон нив на Стопанска банка Битола. 

„По завршување на постапката на длабинска анализа, Комерцијална банка АД Скопје ќе донесе одлука дали да продолжи постапката со изразување на намера за склучување на трансакцијата на присоединување, за што јавноста ќе биде известена“, се вели во објавата која преку берзата ја сподели со инвеститорската јавност Комерцијална банка. 

Двете банки пред подолг период, односно во септември минатата година, ја најавија намерата за присоединување, и токму беше планирано дека тоа ќе се случи по објавувањето на годишните сметки на двете банкарски институции. Наскоро ќе бидат познати многу повеќе детали околу можното спојување на двете банки, за кои наши извори своевремено кажаа дека Стопанска банка Битола би се припоила кон Комерцијална банка.

Доколку до спојувањето дојде, ќе се формира една навистина голема банка. 

Комерцијалкна банка и сега е најголема банка во земјава со актива од над 2,5 милијарди евра.

Н.Н.Ф.