КОМЕРЦИЈАЛНА ПРВА „ЌЕ ПОВЛЕЧЕ НОГА“ - акционерите тријат раце, еве колкава дивиденда ќе обзнани банката
Објавено во: Финансии 22 Февруари, 2024 13:58
Доаѓа периодот во кој акционерските друштва што котираат на Берзата и кои држат до својот имиџ ќе почнат да ги објавуваат износите на дивиденди кои планираат да им ги поделат на своите акционери, од добивките остварени во текот на претходната година.
Според нашите сознанија, прва „нога ќе повлече“ Комерцијална банка, која според плановите треба во петок наутро да ги објави предлог Одлуките за Собранието на акционери, а меѓу нив, секако дека најинтересно ќе биде обзнанувањето на дивидендата по акција којашто планира да ја исплати банката. Износот на дивидендата, според нашите сознанија, е веќе утврден на управните органи на Комерцијална банка, а до инвеститорската јавност преку Берзата ќе биде објавен во текот на утрешниот ден.
Фактор од свои извори дојде до некои неофицијални информации дека Комерцијална банка во своите предлог одлуки за Собранието на акционери ќе објави намера за бруто дивиденда која би изнесувала над 900 денари за акција, иако тоа засега уште не можеме официјално да го потврдиме, а ќе биде познато веќе во текот на утрешниот ден.
Доколку таквите шпекулации се остварат, ова ќе биде најголемата дивиденда во историјата на нашата најголема банка, која и онака важи за банка со издашна дивидендна политика за своите акционери. Но, да почекаме па да видиме дали ќе се остварат нашите информации.
Инаку, она што и е добро познато на домашната бизнис јавност, е дека Комерцијална банка сработе многу солидно во минатата година, остварувајќи чист профит од над 58 милиони евра, како што говорат нејзините биланси на успех.
Секако дека се очекува оти тоа ќе влијае на цената на акцијата на Комерцијална банка, која континуирано расте во последниов период, достигнувајќи цена од дури 16.676 денари на редовното тргување и 16.700 денари на блок трансакција, по што, за волја на вистината имаше само два три дена блага надолна тенденција, за вчера повторно да се врати во зелената зона и да прикаже раст, достигнувајќи вчера просечна цена од 16.492 денари, при истргувани 504 акции на редовниот пазар.
Комерцијална банка е убедливо најтргуваната акција во земјава, па во јануари со неа беше остварен половина од вкупниот промет, кој изнесуваше над два милиони евра.
Тоа во голема мерка се должи на фактот што таа акција има одлична дивиденда историја, бидејќи нејзините акционери добиваат редовни и пристојни дивидендни приноси од нивните вложувања во таа хартија од вредност.
Инаку, лани на 4 мај Комерцијална банка ја стартуваше исплатата на дивидендата за 2022 година, согласно одлука која ја донесе Собранието на акционери на седница одржана на крајот на март.
Дивидендата исплатена лани изнесуваше 500 денари за акција или 450 денари во нето износ, односно во висина од 50 отсто од номиналната вредност на акцијата.
Притоа треба да се напомене дека Комерцијална банка 2022 година ја заврши со нето добивка од близу 35 милиони евра.
Вкупниот бруто износ на дивиденда, пак,што лани го исплати Комерцијална банка изнесува 18,5 милиони евра.
Н.Н.Ф.* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
