КОВАЧЕВСКИ: Ако Албанија стане членка пред нас може и таа да ни стави услови
Објавено во: Македонија 10 Октомври, 2024
Поранешниот македонски премиер Димитар Ковачевски вели дека ако Албанија стане членка пред нас може и таа да ни постави услови.
Вели дека СДСМ го очекува планот на премиерот Христијан Мицкоски за евроинтеграциите.
„Кога ќе го имаат нивниот план подготвен, ние ќе го погледнеме со Собранието, сигурно ќе го видат и други, бидејќи предлогот на француското претседателство, да не заборавиме беше презентиран пред сите политички партии, пред невладини организации, пред медиуми“, изјави Ковачевски во гостување на Тв 21.
По одвојувањето на Македонија од пакетот со Албанија, Ковачевски вели дека нашата држава останува во друштво со Косово и Босна и Херцеговина. Воедно истакна дека мора да се направат чекори напред, за да не се доведеме повторно во состојба доколку Албанија и Црна Гора станат земји членки на Европската унија да добиеме услови и вето и од нив.