Ковачевски: Проектни тимови работат со три големи инвестиции

Добивај вести на Viber

Премиерот Димитар Ковачевски, дво денешното обраќање пред околу 500 претставници на деловната заедница корисници на поддршката од Владата, истакна дека проектни тимови на Владата работат со три големи инвестиции од енергетскиот сектор.

„Северна Македонија има амбициозен план - во план се изградба на најголемиот агриволтаичен парк „Стипион“ од француската компанија „АКИО“ и проектен тим работи на овој проект кој е со капацитет од 400 MW, најголемиот ветерен парк, на кој исто така работи проектен тим, од 400 MW „Вирови“, од германската компанија „ВиПиДи“ и нова когенеративна електрана на природен гас од грчката компанија „Митилионеос“ на која исто така работи проектен тим заедно со ТИРЗ“, рече Ковачевски.

Премиерот додаде дека овие проекти ќе овозможат енергетската транзиција на среден рок, како и енергетски раст, бидејќи без енергија не може да се развива ниту една економија.  

„Ја направивме првата енергетска транзиција на електрана на јаглен, во РЕК Осломеј. По истиот принцип, во финална фаза се и физибилити студии, за нови над 300 MW фотонапонски централи на стариот рудник во РЕК Битола.
Ваквите инвестиции креираат високо платени работни места во зелената економија и нема силна држава, со стабилна и предвидлива иднина, без функционална пазарна економија. За сите нас, врвен приоритет мора да остане економскиот раст базиран на конкурентност, продуктивност и иновации“, додаде тој.