Ковачевски: Со Еди Рама ќе зборувам за бугарските здруженија во Албанија

Добивај вести на Viber

Премиерот Димитар Ковачевски рече дека ќе зборува со алабанскиот колега Еди Рама за ситуацијата во Албанија, каде што бугарски организации од бугарскиот претседател Румен Радев бараат да ги заштити од Македонија, „која има претензии за области каде што е концентрирана бугарската дијаспора“.

Ковачевски рече дека за тоа ќе зборува со Рама на претстојниот Саем за вино и храна „Отворен Балкан“ што ќе се одржи од 1 до 4 септември во Белград

- Да имаше некои такви натписи, јас ќе се видам со премиерот Еди Рама на „Опен Балканн“ во белград и ќе разговарам на таа тема со него, само кратко одговори Ковачевски.

Македонците од Албанија се категорични дека во оваа земја нема бугарско, туку македонско малцинство кое Бугарија по пат на пропаганда  сака да го прикаже како нивно. Тој додаде дека уставните измени треба да ги поддржат сите 120 пратеници. 

- Постојат држави кои имаат 25 народи во нивните Устави, како што е Хрватска. Тоа само ја збогатува општествената кохезија. - наведе тој, но сепак напомена дека во Македонија има две коалици, од кои другата не нуди друга алтернатива или дел од истата нуди сојуз со земји од Централна Азија.

Премиерот нагласи дека скринингот на ЕУ во Македонија ќе започне со поглавјето јавни набавки како прво во низата.

- На 14 септември нашите тимови ќе бидат во Брисел каде започнува билатералниот скрининг за првиот кластер за јавните набавки. СЕП работи на анагажирања на голем број на експерти од повеќе области и сакаме за 14-15 месеци да го заокружиме овој процес, наведе Ковачевски.