07 Декември, 2022
0.0330

КРЕМЉ ЗА ЕКСПЛОЗИИТЕ НА СЕВЕРНИОТ ТЕК: Саботажата на гасоводот ја извршиле англосаксонците

Објавено во: Свет 01 Октомври, 2022

Добивај вести на Viber

Саботажата на гасоводите Северен тек 1 и 2 ја извршиле оние кои имале интерес за тоа, поточно Англосаксонците - тврди рускиот претседател Владимир Путин.

За време на вчерашното обраќање до јавноста тој оцени дека „Американците всушност почнале да ја уништуваат европската енергетска структура, принудувајќи ја ЕУ да се откаже од руските енергетски извори и ја водат Европа кон деиндустријализација“. Шефот на Кремљ ги нарече европските политичари кои се согласуваат со ова, предавници на својот народ.

Секретарот на Советот за безбедност на Руската Федерација Николај Патрушев изјави дека е лесно да се утврди кој има корист од уништувањето на руските гасоводи на Балтикот - Америка.

– Буквално од првите минути по објавувањето на експлозијата и оштетувањето на два руски гасоводи „Северен ток“, западните земји започнаа кампања за пронаоѓање на виновниците. Но, очигледно е дека САД имаат економски бенефит од тоа - рече Патрушев.

Русија и Западот се согласуваат дека истекувањето на гасоводите Северен тек 1 и 2 е резултат на саботажа, а не на дефект или случаен подводен инцидент. Но, додека САД и западноевропските земји ја обвинуваат Москва за катастрофата, Кремљ тврди дека западот е виновен. Руската служба за надворешно разузнавање (СВР) вчера објави дека има информации кои укажуваат на вмешаност на Западот во терористичкиот напад на овие два гасоводи.

- Веќе имаме некои материјали кои укажуваат на западна трага во организацијата и спроведувањето на овој терористички напад - изјави директорот на службата Сергеј Наришкин. - Западот прави се за да ги скрие вистинските извршители и организатори на тој напад, пренесува „Новости“.

Од Моксва велат дека, доколку САД застанат на страната на диверзиите на двата „Северни текови“, тоа нема да помине без руски одговор. Заменикот на рускиот меѓународен комитет на Советот на Федерацијата, Владимир Џабаров, рече дека доколку истрагата за експлозиите покаже вмешаност на САД, ситуацијата „радикално ќе се промени“.

- Тогаш испораките на течен гас во Европа може да се претворат во кошмар за Американците. Дали нашите противници целосно го изгубија умот? - се прашува тој.

Некои руски воени експерти сметаат дека сторителот е Велика Британија. Така, капетанот Владимир Гундаров оценува дека „нема сомнеж“ оти саботажата е од британски раце.

- Дефинитивно, тоа беше саботажа и најверојатно тоа го направија Британците. Затоа што тоа им оди во прилог, а имаа можност да го направат тоа - заклучува Гундаров. - Базата на британските поморски специјални сили, нивната традиционална резиденција, се наоѓа во Норвешка, северно од Тромс, во поранешната норвешка воена база Олавсверн.

Според Гундаров, цел на саботажата била пред се Германија, која во есен-зимскиот период не би требало да има никакви шанси да добие руски гас преку „Северен поток“. Дојче веле пишува дека многумина на социјалните мрежи тврдат дека САД се одговорни за евентуална саботажа и дека во исто време често се наведува дека американски воени бродови се стационирани во балтичкото подрачје. Меѓу другите, тоа го тврдат и политичарите на десничарската Алтернатива за Германија (AfD). Американскиот министер за одбрана Лојд Остин смета дека е премногу рано да се шпекулира кој би можел да стои зад пукањето на гасоводот.

Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

СУДИЈКА, НАРЕДНИК, ПОЛИЦАЈЦИ, ВОЈНИЦИ МЕЃУ УАПСЕНИТЕ ВО ГЕРМАНИЈА: Екс-пратеничката на АФД поседува огнено оружје

СУДИЈКА, НАРЕДНИК, ПОЛИЦАЈЦИ, ВОЈНИЦИ МЕЃУ УАПСЕНИТЕ ВО ГЕРМАНИЈА: Екс-пратеничката на АФД поседува огнено оружје

Хромозомот Y полека изумира, дали човештвото ќе изумре со него?

Хромозомот Y полека изумира, дали човештвото ќе изумре со него?

УАПСЕНИТЕ ИМАЛЕ ВОЕНА ОБУКА, ТОА СЕ ЕКС ГЕРМАНСКИ ВОЈНИЦИ: Нивните планови вклучувале и нарачани убиства во Берлин

УАПСЕНИТЕ ИМАЛЕ ВОЕНА ОБУКА, ТОА СЕ ЕКС ГЕРМАНСКИ ВОЈНИЦИ: Нивните планови вклучувале и нарачани убиства во Берлин

Украина го стега обрачот околу градоначалникот на Одеса кој бара преговори со Русија

Украина го стега обрачот околу градоначалникот на Одеса кој бара преговори со Русија

ОБИД ЗА ДРЖАВЕН УДАР ВО ГЕРМАНИЈА: Во рацијата „Сенка“ паднаа екстремистите кои планираа вооружен упад во Бундестагот

ОБИД ЗА ДРЖАВЕН УДАР ВО ГЕРМАНИЈА: Во рацијата „Сенка“ паднаа екстремистите кои планираа вооружен упад во Бундестагот

БАНДИ КИДНАПИРААТ, СИЛУВААТ, УБИВААТ: Ова се случува во престолнина на една држава

БАНДИ КИДНАПИРААТ, СИЛУВААТ, УБИВААТ: Ова се случува во престолнина на една држава

Нови „крвави пакети“ стигнаа во две украински амбасади

Нови „крвави пакети“ стигнаа во две украински амбасади

Шојгу објави колку украински војници загинале во ноември

Шојгу објави колку украински војници загинале во ноември

(ВИДЕО) По тепачка во турскиот парламент, пратеник заврши во болница

(ВИДЕО) По тепачка во турскиот парламент, пратеник заврши во болница