КУЗЕСКА: Крајно време е Панче Тошковски да си поднесе неотповиклива оставка

Добивај вести на Viber

Тошковски да си оди веднаш, тој е заштитник на мафијата и насилниците, вели портпаролката на СДСМ, Богданка Кузеска.

Кузеска истакна дека вчерашниот инцидент во кој беше нападната градоначалничката на Скопје го потврди она што како партија го говореле со месеци.

„Ова е длабоко криминализирана и авторитарна власт, која не бира средства за да го заштити криминалот и заплаши оние кои сакаат да го откријат. Со доаѓањето на ВМРО-МВРО на власт, во Македонија преку ноќ се појавија организирани криминални групи кои се чувствуваат недопирливи, затоа што се заштитени од власта. Инцидентот вчера и срамното непостапување на МВР и Тошковски, беше порака до секој што ќе се осмели да зборува за криминал, да покаже злоупотреби, да посочи корупција. Порака дека ќе биде нападнат, натепан и замолчен. Криминалците се длабоко инфилтрирани во институциите, тие го водат системот. Тоа го гледаме од првиот ден. Обезбедувачите на премиерот се главни тепачи, попречуваат акции за дрога, издаваат државни тајни на нарко кланови. Се случија преку 25 обиди за убиства и убиства за една година, се пука на секој чекор а Тошковски во интервјуа безочно лаже дека се намалил криминалот. Вчера загина лице во Батинци во престрелка како на Див Запад. Како Тошковски може да тврди дека безбедноста е подобрена, кога имаме убиство на армиски службеник од лице со потерница? Како се случува лице со активна потерница да се движи слободно и извршува убиство?“, вели Кузеска. 

Како што вели, вчерашниот настан е порака до секој судија, секој обвинител, секој државен службеник или граѓанин да не се осмели да го чепне криминалот на власта. 

„Ова е порака дека секој кој ќе им ги орткрие кримииналите може да биде следниот. Ова е систем на страв и закани кој доаѓа директно од власта. Таквата држава не е држава. Тоа е тиранија. Полицијата е глува, правдата е парализирана, а законот служи за заштита на насилниците, а не на граѓаните. За една година под ВМРО-ДПМНЕ секој граѓанин се чувствува помалку сигурен во сопствената дражава, во сопствениот дом и маало. Крајно време е Панче Тошковски да си поднесе неотповиклива оставка. Насилството и криминалот царуваат, а тој немо стои и ги брани партиските бизнис интереси. Од надежен министер за една години стана извршител на мафијата и заштитник на криминалот. Мора да си оди веднаш“, вели Кузеска.

Како што соопштија од Основното јавно обвинителсто(ОЈО), двајца се осомничени за насилство врз градоначалничката на Скопје, Данела Арсовска кое се случи вчера во Чаир. 

фото СДСМ