Квадрат за стан на море достигнува и до 12.000 евра

Добивај вести на Viber

Цените за квадратен метар станбен простор на црногорскиот брег продолжуваат да растат, а пазарот на недвижности останува исклучително динамичен.

Во емисијата „Боите на утрото“, на Телевизија Вијести, агентот за недвижности Мирко Вујовиќ истакнува дека најбараните локации се Будва, Котор и Тиват, додека најскапите квадратни метри се во луксузни комплекси како што се Порто Монтенегро, Порто Нови, Луштица Беј и Дукли Гарденс, каде што цените достигнуваат до 12.000 евра за квадратен метар.

„Минатата година во Будва, да речеме во населбата Розино, квадратниот метар беше 2.950 евра, сега е 3.200-3.250, во зависност од опременоста и други фактори. Не очекувам пад на цените, туку мало зголемување, а очекувам особено значително зголемување во 2028 година, кога Црна Гора ќе влезе во Европската унија (ЕУ)“, вели Вујовиќ.

Улцињ и Бар сè уште го држат статусот на најповолни локации, со просечни цени од околу 2.500 евра за квадратен метар.

Кога станува збор за кирии, цените се стабилизираа во споредба со претходните години. Гарсониерите се издаваат за 350–450 евра, додека становите со една спална соба чинат околу 500–600 евра месечно, а становите со три спални соби над 1.000 евра.

foto Wikipedia/Dreizung