Лавров до Болтон: На македонски пратеници им беа одземани мобилните телефони
Објавено во: Македонија 29 Октомври, 2018 06:40
Министерот за надворешни работи на Русија, Сергеј Лавров, на состанокот со помошникот на претседателот на САД за национална безбедност Џон Болтон му се пожалил дека на македонски пратеници им биле одземани мобилните телефони додека биле присилувани да гласаат за отворање на уставните измени за промена на името.
"Во парламентот на Македонија имаше гласање за отпочнување на процедурата за измена на Уставот, а деветте гласови од опозицијата беа делумно добиени со поткуп, делумно ветувајќи дека нема да има покренување на обвиненија за кривично дело, а дури тројца пратеници набрзина беа пуштени од куќен притвор. Биле заклучувани во кабинети и им биле одземани мобилните телефони. За сето тоа време во зградата на македонскиот парламент Амбасадорот на САД бил присутен", истакна Лавров, во интервју за програмата "Москва. Кремљ. Путин" на телевизискиот канал "Русија 1".
На прашањето како реагирал Болтон, Лавров изјави дека тој само се насмевнал и заклучил дека се работи „за земја со многу комплицирани политички односи“.
Претходно, американскиот амбасадор Џес Бејли демантираше дека бил во македонското Собрание за време на гласањето и дека седницата ја следел на телевизија. Исто така, речиси сите пратеници негираа дека прифатиле поткуп и дека биле насилно приморани да гласаат под закани.
Можеби ќе ве интересира
Желјазков: Немаме нерешени билатерални прашања со Република Северна Македонија
Петре Шилегов бара оставка од лидерот на СДСМ, Венко Филипче
Арсовска од медиумите дознала дека треба да пријави имотна состојба, ја обвини ДКСК за јавен линч
Собранието го изгласа пакетот закони потребни за целосно функционирање на системот „Безбеден град“
Собранието донесе Резолуција за осуда на манипулациите на опозицијата и за потврда на политиките против нелегалната миграција
Грчкото МНР реагира за изјавата на Мицкоски: Секој обид за фалсификување или менување на содржината на Договорот oд Преспа нема да биде прифатен
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
