17 Јуни, 2019
0.0222

„Ленка“ бојкотира, но бара набљудувачи „против референдумски фалсификат“

Објавено во: Македонија 21 Септември, 2018

Левичарската организација „Ленка“, блиска до партијата Левица, бара набљудувачи за референдумот на 30 септември кои треба да ги пријави во ДИК до 24 септември. Иако „Ленка“ не го признава референдумот и Спогодбата од Преспа и истиот ќе го бојкотира, оттаму велат дека повикот за набљудувачи е со цел да се контролира на самите гласачки единици да нема евентуален референдумски фалсификат.

Од таму велат дека не веруваат во другите домашни и странски организации кои ќе набљудуваат, затоа што, како што велат од таму, и тие самите агитираат за успех на референдумското прашање.

„Граѓани на Република Македонија, работници, млади и стари, исполнете ја својата граѓанска должност пред Република Македонија, и пријавете се за набљудувачи, овластени од  ДСП ЛЕНКА, за престојниот референдум. Набљудувач може да биде секој жител на РМ со право на глас, подготвен непристрасно да го набљудува референдумскиот процес.

Да не дозволиме манипулации со нашите гласови! Доста беа кражби и наместени резултати! Неопходно е да го набљудуваме референдумот на 30 септември!

Податоци со кои се пријавувате за набљудувач се: име и презиме, матичен број, број на Лична Карта, општина и место на живеење и контакт телефон“, се вели во повикот на „Ленка“.

Истиот веднаш беше поздравен од Димитар Апасиев, еден од преводниците на Левица, кој жестоко се противи на самото распишување на референдумот и е приклучен во движењето „Бојкотирам“

- Не им веруваме на Civil MK, Мост, Хелсиншки и остала подмитена агит-проп енџиовштина - другарите од Движењето за социјална правда „Ленка“ упатуваат ЈАВЕН ПОВИК до сите полнолетни граѓани на РМ да се пријават за набљудувачи на претстојниот референдум, кои ќе бидат официјално акредитирани од ДИК. Не дозволувај фалсификат! Пријави се! (Рокот е во следниве три дена) - напиша Апасиев на Фејсбук.

Истото го стори и уште еден истакнат член на „Бојкотирам“, професорката Билјана Ванковска, која порача што е можно повеќе набљудувачи да се пријават.

- И ова е начин да не се дозволи да не’ продадат! Пријавувајте се, бидејќи другите НВО се како во приказната за кадија те тужи, кадија те суди - ем агитираат, ем божем набљудуваат регуларност!, објави статус Ванковска.


Можеби ќе ве интересира

Колку директори ќе бидат „сметени“?

Колку директори ќе бидат „сметени“?

Арсовски: Неспособноста доведе да нема суштински реформи во државата

Арсовски: Неспособноста доведе да нема суштински реформи во државата

Мицкоски на 29 годишницата на партијата: СДСМ паѓа, а ВМРО-ДПМНЕ со народот победува

Мицкоски на 29 годишницата на партијата: СДСМ паѓа, а ВМРО-ДПМНЕ со народот победува

ФОКУС НА ДЕНОТ: Промени во СДСМ, невреме зафати делови од Македонија

ФОКУС НА ДЕНОТ: Промени во СДСМ, невреме зафати делови од Македонија

Татјана Стојановска Иванова, Рената Дескоска, Драган Тевдовски - кој уште влезе во Извршниот одбор на СДСМ?

Татјана Стојановска Иванова, Рената Дескоска, Драган Тевдовски - кој уште влезе во Извршниот одбор на СДСМ?

За функционерите ќе има месечен календар

За функционерите ќе има месечен календар

(ФОТО) Долга колона автомобили стои на грчката граница

(ФОТО) Долга колона автомобили стои на грчката граница

„КУМОВИТЕ“ НЕОРГАНИЗИРАНИ: Километарски колони од возила на грчката граница

„КУМОВИТЕ“ НЕОРГАНИЗИРАНИ: Километарски колони од возила на грчката граница

Заeв: Ќе има реконструкција на Владата

Заeв: Ќе има реконструкција на Владата