Летувалиштата празни: Колку чини сместување во Паралија и Лептокарија, гиро ни за лек

Добивај вести на Viber

Речиси е невозможно да се најде сместување во Паралија и Лептокарија, но не затоа што туристите ги преплавија омилените македонски и српски летни одморалишта, туку затоа што скоро никој не издава сместување.

Соговорници на Новости од Србија, кои поминале два дена на грчкиот брег за деловни активности, велат дека биле шокирани од тоа колку сè изгледа тивко, уништено. Како земјата да е во грч, а така се однесувале и Грците кои живеат таму. За две ноќевања во хотелот каде што биле единствени гости, тие платиле 140 евра. Сведочат дека невозможно било да се купи гиро ни во Паралија ниту во Лептокарија.

Грците на овие простори велат дека живеат од Србите, и не само во сезоната, бидејќи Србите, особено од крајниот југ на Србија, доаѓаат во Грција со првите топли денови, но тоа не е случај оваа година. Нашите соговорници велат дека храна можеле да купат само во соседниот град Катарина.

„Нема продавници или ресторани. Грците се прилично исплашени во овие крајбрежни места. Секој носи маски, дури и додека шета на плажа, никој не може со сигурност да каже каква ќе биде претстојната сезона. Контролите се ригорозни не само на границата, туку и на наплатните рампи, каде што е потребна потврда за вакцинација, поточно QR-код, изјавиле тие.

И министерот за здравство Венко Филипче најави дека Македонија веќе има изготвено сертификат, по насоки на ЕУ, со посебен код кој ќе послужи на граѓаните да патуваат во Грција, откако тамошните власти ќе донесат и официјална одлука за тоа. Според најавите кои Филипче ги добил од грчкиот министер за туризам Теохарис тоа се очекува да се случи на 14 мај. Во интервју за ТВ Сител, Филипче истакна и дека освен сертификат за вакцинација, граѓаните кои не се вакцинирани ќе може да патуваат и со потврда за негативен ПЦР тест кој може да го напратва во една од 20 те лаборатории кои имаат дозвола од Министерството за здравство.