ЛИБАН: Повеќе од 70.000 луѓе се на улица

Добивај вести на Viber

Во Либан повеќе од 70.000 луѓе се на улица и бараат засолниште. 

Тие ги напуштија своите домови поради продолжувањето на воздушните напади на Израел врз Либан, изјави денеска  министерот за внатрешни работи Басам Мавлави

Вкупниот број на луѓе кои избегале од источен и јужен Либан веројатно ќе биде многу поголем бидејќи многумина отишле во куќи или хотели на роднини, покрај официјалните засолништа, пренесоа агенциите.

Во Либан има повеќе од 90.000 новораселени лица, објавија ОН. Од почетокот на прекуграничните конфликти пред скоро една година, илјадници луѓе се раселени од двете страни.

Генералниот секретар на ОН, Антонио Гутереш предупреди дека Либан е на работ и ги повика двете страни „да престанат со убиствата и уништувањето“.

Зголемениот притисок да се спречи избувнување на регионална војна, САД и нивните десет сојузници повикаа на тринеделен прекин на огнот на израелско-либанската граница.

Израелскиот премиер Бенјамин Нетанјаху ги отфрли информациите дека може да се воспостави итен прекин на огнот и најави дека израелската армија ќе продолжи да се бори со полна сила. 

Хезболах редовно гаѓаше цели во Израел. Инаку, неодамна членови на групата се соочија со напад на нивните пејџери и воки - токи во кои имаше експлозив. Лани на 7 октомври палестинската терористичка група Хамас изврши напад на Израел и војната уште трае.