Лицата кои прележале при контакт со инфицирани развиле уште повеќе антитела, тврди италијански виролог

Добивај вести на Viber

Лицата кои прележале ковид-19 се имуни најмалку девет месеци, вели познатиот италијански виролог, Андреа Крисанти.

Овие податоци ги добиле по истражување кое е направено меѓу жители на општина во регионот Венето, во кој на 21 март минатата година беше регистриран првиот случај на вирусот во Италија. 

„Значи имунитетот на оние кои ја прележале инфекцијата трае најмалку девет месеци, а многу веројатно и подолго“, објасни Крисанти. 

Тој вели дека е утврдено дека лицата кои го прележале коронавирусот во првиот бран на пандемијата, а потоа биле во контакт со позитивни случаи во вториот бран, не само што не се инфицирале, туку кај нив е утврдено развој на уште повеќе антитела. Професорот стана познат по својата антиковид стратегија, која беше реализирана во општина Венето. На негов предлог имаше масовно тестирање на населението. Потоа Венето имаше релативно мал број на заразени и починати во првиот бран на пандемијата во споредба со другите италијански региони. Италија е една од најпогодените европски земји. Во борба со вирусот, земјата беше во карантин.