ЛИДЛ СТАПУВА ВО АМБИЦИОЗНО ПАРТНЕРСТВО: Здружување на силите за големи промени во 31 земја

Добивај вести на Viber

Лидл, еден од најголемите трговци на мало, и WWF, една од најголемите независни организации за заштита на природата, најавија почеток на ново стратешко петгодишно партнерство на меѓународно ниво, во 31 земја.

Соработката со WWF ќе се фокусира на активности долж синџирот на вредност на Лидл и на тој начин ќе придонесе за глобалните еколошки предизвици на нашето време и ќе обезбеди повеќе домаќинства да имаат пристап до поодржливи понуди. Партнерите тесно соработуваат, залагајќи се за бизнис во хармонија со природата и во планетарните граници.

Ова партнерство е уште еден чекор во посветеноста на Лидл за унапредување на одржливоста како дел од неговата меѓународна стратегија за одржливост. Заедничката цел на ова партнерство е да создаде уште поодржливи можности за потрошувачите.

„Здружување на силите“

- Како еден од најголемите трговци на храна, свесни сме за нашата одговорност и нашето влијание. Преземаме одговорност со цел да работиме во планетарните граници. За Lidl, одржливото управување не е само прашање на став, туку и основа за идната одржливост на нашиот деловен модел. Со поддршка и експертиза на WWF, нашата посветеност за одржливост ќе ја подигнеме на следното ниво. Само со заедничка работа можеме да ги надминеме големите глобални предизвици како што се климатските промени и губењето на биолошката разновидност. Затоа ние во Лидл се потпираме на ова силно партнерство, за заедно да им обезбедиме на нашите клиенти поодржливи можности секој ден - нагласува Драган Чигоја, генерален менаџер на Лидл Србија.