Љубчо Георгиевски: Иванов да го даде мандатот на СДСМ, па ако не успеат и на ДУИ
Објавено во: Македонија 31 Јануари, 2017
Екс премиерот и лидер на ВМРО-НП, Љубчо Георгиевски, смета дека претседателот Иванов иако нема изрична одредба во Уставот според начелата на парламентарната демократија сега мандатот треба да го додели на СДСМ кои може да направат обид да формираат влада, а ако не успеаат дури и на ДУИ бидејќи секој може да состави парламентарно мнозинство.
- Деновиве се спомнува само примерот кога претседателот Киро Глигоров два пати по ред им го даде мандатот на СДСМ. Не знам зошто се премолчува уште подрастичниот пример на кршење на Уставот од 1990 кога Киро Глигоров воопшто не го ни даде мандатот на победничката партија. Имено, тој побара четири кандидати за премиери,скоро два месеца ја блокираше Македонија и на крајот мандатот го даде на свој персонален кандидат господинот Никола Кљусев.
Така што не можам да не консатирам дека сите можни прекрашувања на Уставот ги има промовирано СДСМ. Пишувачите на Уставот и недореченоста на член 90 исто така е од СДСМ, дали од неписменост или е подметната за игри во времето кога беа мнозинство.Така и тука нема на кого да се лутат.
Но, независно од горе наведените факти има нешто се нарекува дух на европската демократија, незабранета уставна логика која функционира во парламентарната практика. Според неа, мандатот треба да го добие СДСМ, а ако не успее, најмалку уште и ДУИ. Во спротивно предвремените парламентарни избори ја губат смислата, прво треба да го менуваме Уставот па да одиме на избори, напиша Георгиевски на својот профил на Фејсбук.
Можеби ќе ве интересира
ТОШКОВСКИ НЕ САКА ДА ШПЕКУЛИРА ЗА ГРУБИ: „Немаме информација каде е“
АХМЕТИ: Вчерашната одлука на парламентарното мнозинство без етнички легитимитет за деградирање на позицијата на албанскиот јазик e скандалозна
Општина Центар донесе препорака за забрана за користење мобилни телефони на настава
ДИСЦИПЛИНСКА ПОСТАПКА ЗА СМРТТА НА БЛЗНАЧИЊАТА: Еве што велат од Државниот санитарен инспекторат
АДВОКАТОТ МИТРОВСКИ ОБЈАВИ ФОТОГРАФИЈА ОД ЏИП ЗА КОЈ ТВРДИ ДЕКА Е НА АПАСИЕВ - „Драго ми е што напредуваш, ама одвој 40 денари за да го паркираш прописно“
Обвинителството ќе испитува како паднал ученикот од прозорец во Прилеп, но чека одговори од полицијата
ВЕНКО ОПЕРИРАШЕ, СПЕЦИЈАЛИЗАНТИТЕ УЧЕА: Филипче изврши операција на пациент со сериозен проблем со р'бетот
„НЕ Е НА ГРАНИЦА ЗА ДА ПРОДАВА ЦВЕЌИЊА, ТУКУ ДА ГЛЕДА ВО КОМПЈУТЕРОТ ДАЛИ ЛИЦЕТО Е НА СТОП ЛИСТАТА“ - Тошковски за бегството на Груби, се испитува дали е организирана операција
