ЛОГА: Ако сакаме да ја зачуваме унитарноста, мора да има легитимен претставник на Албанците во власта

Добивај вести на Viber

Министерот за правда во заминување, Кренар Лога вели дека секој чекор носи последици. 

Според него, ако сакаме да ја зачуваме унитарноста, мора да има легитимен претставник на Албанците во власта. 

„Ако јас како Албанец си гласам за албанска политичка партија и после вие имате победник од македонската страна кој цело време ќе бира кој ќе му биде послушник од Албанците, се доведува во прашање дали Албанецот треба да гласа во Македонија. Ако вие го немате вашиот претставник во институциите претставен од легитимни претставници, тогаш вашиот глас нема никаква тежина”, рече Лога.

Лога додаде дека при дијалогот со ВМРО-ДПМНЕ и со меѓународната заедница го дискутирале прашањето за вредноста на гласот на Албанците во Македонија.

Toj за 360 степени зборуваше и за името на државата. 

„Што ако утре, се најавува дека министер за односи меѓу заедниците ќе биде Стоиљковиќ, каже дека се колне во Јужна Србија, како што некои од Србија велат за Македонија?! Или ако некој каже турска Македонија, или илириска Македонија, или албанска Македонија, тогаш ќе биде ли слобода на изразување или не“, прашува Лога.

Тој ги коментираше изјавите на претседателката Гордана Сиљановска-Давкова и на мандатарот Христијан Мицкоски за тоа дека имаат право да ја нарекуваат земјава како што сакаат.