Лондон наскоро ќе добие велосипедски автопат

Добивај вести на Viber

Метрополата на Велика Британија наскоро ќе добие таканаречен велосипедски автопат, како би се зголемила мобилноста во градот, растеретиле сообраќајниците и намалило загадувањето.

Оваа патека долга 30 км, безбедно е одделена од останатиот сообраќај, ќе ги поврзува предградијата на источен и западен Лондон.

„Триесет километри велосипедската патека помеѓу источниот и западниот дел на градот која ќе поминува покрај Лондонската кула, Вестминстерската палата и Хајд парк“, рекол градоначалникот на британската престолнина Борис Џонсон, најавувајќи го стартот за неколку недели.

Изградбата на „велосипедскиот автопат“, чии трошоци се проценуваат на 217 милиони евра, би требало да биде завршена до 2016 година.

Со своите осум милиони жители, од кои половина секојдневно се спуштаат во центарот на работа, било итно потребно да се пронајде некое решение како би се растеретил сообраќајот и намалило загадувањето.

Широки четири метри, лентите на автопатот за двотркалата ќе овозможи возење во две насоки како и претекнување. Џонсон најавил и лента во правец север-југ која ќе биде долга околу пет километри.

„Тоа ќе биде вистинска промена за центарот на градот“, наведуваат инвеститорите.

Како последица на воведување во 2003 година наплатен влез на автомобилите во градот, користењето на велосипеди двојно е зголемено во последните десет години.

Знаејќи дека за моторизиран пристап во центарот треба денес да платат 11,5 фунти, разбирливо е што поголем број на жители се определуваат за велосипед како превозно средство.

Се проценува дека после изградбата на најавените велосипедски автопати бројот на корисници на велосипеди до 2026 година ќе порасне на 1,5 милиони. Исто така, во Лондон размислуваат за претварање на поедини тунели на метроа, кои повеќе не ги користат во подземна велосипедска патека.