ЛОС АНЏЕЛЕС ТАЈМС ОТПУШТА НАЈМАЛКУ 115 ЛУЃЕ: „Болно за сите, но создаваме весник за следната генерација“
Објавено во: Свет 24 Јануари, 2024
Американскиот
дневен весник „Лос Анџелес Тајмс“ денеска објави дека отпушта најмалку 115
луѓе, односно повеќе од 20 отсто од редакцијата, што е едно од најголемите
отпуштања во историјата на тој весник.
Сопственикот на весникот, Патрик Сун Шионг, рече дека кратењето на работните места е неопходно бидејќи ЛА Тајмс не може да си дозволи да губи од 30 до 40 милиони долари годишно без зголемување на читателската публика.
„Денешната одлука е болна за сите, но императив е да дејствуваме итно и да преземеме чекори за изградба на одржлив и успешен весник за следната генерација. Ние сме посветени на ова“, рече Сун Шионг.
Денешното соопштение уследи по еднодневниот уреднички штрајк пред неколку дена во знак на протест поради планираните отпуштања.
Тоа беше прв штрајк на ЛА Тајмс во историјата на весникот стар 142 години.
ФОТО: Unsplash