ЛОША ДЕМОГРАФИЈА: Германија го регистрира најнискиот наталитет од 2009 година
Објавено во: Свет 20 Март, 2024
Има рекорден пад на наталитетот во Германија, објави Федералниот институт за истражување на населението во Визбаден.
Во последните две години наталитетот значително се намали и е најнизок од 2009 година. Бројот на раѓања се намали од 1,57 дете на жена во 2021 година на 1,36 во есента 2023 година.
„Ова е невообичаено остар пад на стапката на новороденчиња, во минатото фазите на опаѓање се одвиваа многу побавно“, се вели во соопштението на Федералниот институт.
Истражувачите ги наведуваат пандемијата на коронавирусот, војната во Украина и инфлацијата како можни причини за падот на бројот на родени деца.
По 1975 година, наталитетот во Германија е во постојан пад, со исклучок на периодот меѓу 2015 и 2021 година, кој експертите го поврзуваат со владините мерки за помош на мајките со деца, но и со доаѓањето голем број бегалци. Многу земји во светот се соочуваат со „белата чума“.
foto freepik.com