Мајката на девојката од Аеродром потврди дека не пријавила оти ќерка и е силувана!

Добивај вести на Viber

Мистериозниот случај со смртта на 20 годишната скопјанка која вчера се фрли од 9-тиот кат од зграда во скопски Аеродром полека почна да се отплеткува.

При разговор со надлежни полициски службеници мајката на Стефани.Б изјавила дека настанот не бил пријавен во полиција.

Таа рекла дека во ниту еден момент претходно  од страна на нејзината ќерка , сега покојната, не и било кажано дека таа била жртва на насилен сексуален акт.

Пред малку од Основното јавно обвинителство соопштија дека работат на расчистување на случајот.

Прелиминарните резултати од вештачењето покажале дека девојката не била силувана.

„Според првичните резултати добиени од Медицинскиот Институт произлезе дека кај сега покојната девојка која се фрли вчера утрото од девети кат не се констатирани траги на насилен сексуален однос“, соопштија од Основното јавно обвинителство.

Од МВР соопштија пак дека, во нивната институција е пријавен случај на претепан таксист.

Се испостави дека претепаниот таксист е тој што го однел девојчето дома, а го претепал лице со иницијали А.З.

Овие иницијали се софпаѓаат со оние на момчето на мајката на покојната скопјанка.

Што навистина се случило со овој случај? Дали девојчето се самоуби или можеби приказната има друг крај?

Останува целосната истрага да ја покаже вистината.