Добивај вести на Viber
За еден месец, или од крајот на април до крајот на мај, девизните резерви се намалија за скоро 16 милиони евра. Новите податоци на Народната банка покажуваат дека на крајот од петтиот месеце од годинава, девизните резерви изнесуваат 2 238 500 евра, додека на крајот од април, салдото било 2 344 300 евра. Анализата на структурата на девизните резерви во мај покажува намалување кај резрвите во хартии од вредност и кај вредноста на монетарното злато. И со ова ниво, според оценките на Народната банка, девизните резерви се оддржуваат на адекватно ниво.
Народната Банка информира дека во изминатиот период на девизниот пазар НБМ интервенирала со продажба на девизи поради исплатата на дивиденди во овој период од годината.
“Согласно со последните расположливи податоци, во периодот април - јуни 2015 година девизните резерви забележаа намалување, како што и се очекуваше во рамки на априлските проекции. На девизниот пазар НБРМ интервенира со мала продажба на девизи, што беше очекувано со оглед на исплатата на дивидендите кон странските акционери, што е вообичаено во овој период од годината“, соопшти НБМ.
Но и во последниот извештај Народната Банка прогнзоираше дека во периодот што следува може да се очекува натамошно намалување на девизните резерви.
Имено, иако очекувањата за оваа и следната година остануваат оптмистички во однос на економскиот раст, НБМ сепак упатува на тоа дека до година ќе се зголеми дефицитот на тековната сметка и ќе има намалување на девизните резерви. Според прогнозите, во 2016 та година дефицитот на тековната сметка ќе изнесува 3,1%. Влошување се очекува и кај дефицитот во размената на стоки и услуги, кој догодина ќе достигне 16,8%.
“Финансирањето на тековната сметка во периодот 2015-2016 година, се очекува во најголем дел да се покрие преку странски директни инвестиции и задолжување на јавниот сектор во странство на долг рок“, се посочува во анализата и се додава:
“Во периодот 2015-2016 година се очекува повисокиот дефицит на тековната сметка во однос на финансиски текови да доведе до благ падна девизните резерви. И покрај ова, во текот на целиот период на проекции показателите за адекватност на девизните резерви се одржуваат во сигурната зона“.
По вчерашното заседавање на Комитетот за оперативна монетарна политика беше соопштено дека Народната банка во следниот период главно ќе биде насочена на следење на остварувањето на проектираната патека на девизните резерви и случувањата на девизниот пазар и ќе ја приспособува монетарната политика соодветно на тоа.
Според последните мерења што ги пренесуваат регионалните медиуми, Србија со 17,4 тони злато е лидер на Балканот според вредноста на златните резерви а со 6,8 тони злато, зад неа е Македонија. Потоа следуваат Босна и Херцеговина, Словенија, Грција и Бугарија. Хрватска пак воопшто не располага со девизни резерви во злато.