МАКЕДОНЦИТЕ НАЈМНОГУ КУПУВААТ АПАРТМАНИ ВО СОЛУН И ХАЛКИДИКИ: За тоа лани платиле над 50 милиони евра
Објавено во: Финансии 27 Јули, 2025 12:00
За последните пет години, македонските граѓани и компании инвестирале повеќе од 50 милиони евра во недвижности во Грција, покажува статистиката на Банката на Грција. Најголемиот инвестициски бум се случил во 2023 година, кога македонските инвеститори вложиле 19 милиони евра за станови покрај море.
Иако бројките се значајни, не се дефинитивни, бидејќи голем број Македонци имаат ЕУ пасоши и може да купуваат недвижности како европски граѓани.
Најчести инвестиции се правени во апартмани до 50 квадратни метри, особено во региони околу Солун и Халкидики. Податоците покажуваат дека додека во 2019 и 2020 година се вложувале по 2 милиони евра во недвижности во Грција, во 2021 година тие се зголемиле на 7 милиони евра, а во 2022 и 2023 година достигнале двоцифрен раст од 10 до 11 милиони евра.
Истите трендови се поклопуваат со енормниот раст на цените на недвижностите во Македонија. Според последните податоци од Агенцијата за катастар на недвижности, метар квадратен во Центарот на Скопје во третото тримесечје на 2020 година се продавал за 950 евра или 58.500 денари. Денес, цените на становите се искачилe до над 2.000 евра за квадрат, со некои локации кои достигнуваат над 3.500 евра за квадрат.
Во споредба со цените во Македонија, за ист износ на пари, може да се најде недвижност во Грција, Хрватска, Црна Гора или Кипар. Додека во Бугарија, најевтиниот морски недвижен имот се движи меѓу 1.000 и 1.600 евра за квадрат.
„Домаќинскиот пазар на недвижности е под голем притисок од шпекулации“, истакна гувернерот на Народната банка, Трајко Славески. Според него, дури 50% од новопродадените станови се купуваат во готовина, а не е познато од каде потекнува оваа готовина.
Според податоците на Народната банка, цените на становите во Македонија имаат годишен раст од 22% и се зголемиле за околу 80% во последните четири години. И покрај ова, бројот на празни станови во Скопје е алармантен, со речиси 60.000 празни станови, што укажува на возможната нестабилност на пазарот.
Сето ова создава сериозен притисок на пазарот на недвижности во Македонија и поттикнува потреба од понатамошни мерки за стабилизација на ситуацијата.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
ПЕНЗИОНЕРИТЕ ПРЕД УСТАВЕН ГО ИЗРАЗИЈА РЕВОЛТОТ: „Се бориме за корка леб и лекови“
