Македонија ќе привлекува „активни“ туристи од Лондон

Добивај вести на Viber

Агенцијата за промоција на туризмот на Конференцијата за активен туризам и бизнис во Лондон ги претставува атрактивните можности за посета на Македонија. Активниот туризам е нов вид на патување кое се разликува од традиционалниот мирен туризам на плажа во ресорти или приватно сместување, а посетителите очекуваат различни содржини од земјата која ја посетуваат, што Македонија има потенцијал да го понуди. 

На конференцијата се присутни околу 200 учесници: излагачи, туроператори и медиуми кои ги дискутираат предизвиците и трендовите на оваа брзо растечка гранка на туризам.

„Особено значајно е што на средбите дојдоа туроператори кои изразија интерес во Македонија да носат туристи директно, во непосреден контакт со македонски ДМЦ агенти,а не со посредство на агенции од соседството како што беше случај до сега. Фактот дека Лондон и Скопје се директно поврзани градови со летовите на Визз Аир е од особено значење за овој вид на туризам“ изјави Лела Крстевска, Директор на Агенцијата за промоција и поддршка на туризам.

Интерес за состаноци со претставниците на АППТРМ покажаа 13 Британски тур-оператори кои ќе ја вклучат Македонија во своите програми веќе од летото 2017.