Максим Димитриевски обвини за велепредавство
Објавено во: Македонија 02 Декември, 2020
Кумановскиот градоначалник Максим Димитриевски на Фејсбук пишува дека парафразирањето на специјалниот претставник за Бугарија, екс премиерот, Владо Бучковски дека Македонците и Бугарите се еден народ во две држави (ставот на соседот) и повикот до нашите историчари да излезат од рамките на историографијата на поранешната држава (НОБ, АВНОЈ и АСНОМ) се чин на велепредавство.
„Обидот на мала врата да се пласираат теориите дека за Бугарската страна е прифатливо дека македонскиот народ постои од 1944 година е само потврдување на тезите дека ние сме вештачка творевина. Ваквите изјави се спротивни на македонските национални интереси и позиции, воедно спротивни и на Уставот и неговата Преамбула која се повикува на актите на Крушевското востание, АСНОМ и Референдумот од 91ва“, пишува Димитриевски.
Тој додава дека во историјата на Македонија ваквите тези ги користеле изолирани поединци претставени од врховистичката пропаганда предводена од Ванчо Михајлов.
„Денеска во 21ви век тоа го слушаме од Бучковски, поранешен Премиер исклучен од редовите на СДСМ, човек кој во партијата се обиде идеологијата да ја замени со клиентелизам, лојалност и интриги. Како долгогодишен и активен социјалдемократ јавно се оградувам од ваквите изјави кои ги сметам за лични и погрешни и во ниту еден момент не можат да добијат суштинска поддршка од мене а верувам ниту од членството а најмалку од јавноста“, посочи Димитриевски.
Претходно, Димитриевски го врати орденот на бугарскиот вицепремиер и министер за одбрана, Красимир Каракачанов кој му бил доделен нему, а заедно со орденот му прати протестно писмо и книга порадок која е поствена на македонската нација. Тој изјавите на премиерот Зоран Задев дадени за БГНЕС ги оцени како обид да де изместат фактите од минатото.фото Фејсбук
Можеби ќе ве интересира
СЛЕДЕЛ ТИНЕЈЏЕРКА НИЗ ТРГОВСКИ ЦЕНТАР ПА ДО ВЛЕЗ ВО ЗГРАДА КАДЕ ЈА НАПАДНАЛ - доби забрана да и се приближува
„НИ ХОРОР ФИЛМ НЕ МОЖЕ ДА СНИМИМЕ“: Ина Многу фина за густата магла која го прекри Скопје
ПРОМЕНЛИВО ОБЛАЧНО СО СОНЧЕВИ ПЕРИОДИ И МАГЛА - еве какво време не очекува на почетокот на работната недела
Данела Арсовска: Претепани инспектори на Град Скопје, МВР да ја уапси бандата што ги труе скопјани
Лишени од слобода двајца полицајци, едниот влегол во системот на министерот Тошковски, другиот оддавал информации
Ирена Росо е Македонката која е политички протерана од Србија
Со нов Закон ќе се спречува хиперпродукцијата на факултети
Јанез Јанша до екс-министерката Стојменова Дух: Не требаше да те примиме во Словенија
Ученик дошол со пиштол на дијаболи во училиште во Чаир, повредена ученичка пренесена во болница
