МАСОВНО ТРУЕЊЕ СО МЕСО НА СКАРА, ПОВЕЌЕТО СЕ ДЕЦА: Гостите се затруле на домашна слава во Прилеп
Објавено во: Македонија 04 Август, 2021
Дел од објектот на
месарницата „Харизма“ во Прилеп кој е наменет за подготовка на производи од
месо на скара е затворен со лента од страна на Државниот санитарен и здравствен
инспекторат, откако надлежните се сомневаат дека токму од таму е месото на
скара со кое се затруле гости на домашна слава.
12 Пацинети, од повеќето се деца, кои побарале помош во прилепската болница се пожалиле на болки во стомакот и повраќање, по што биле итно третирани.
Директорката на Државниот санитарен и здравствен инспекторат, д-р Ирина Бухова, за Фактор посочува дека уште во тек на вчерасниот ден ДСЗИ заедно со инспектори од Агенцијата за храна и ветеринарство и епидемиолог и техничари од Центарот за јавно здравје-Прилеп изврши вонреден инспекциски надзор во месарницата „Харизма“.
-По добиено известување од страна на ЈЗУ ЦЈЗ Прилеп по добиена пријава за сомневанје за труење со храна (приготвено месо на скара), на 2.август во Инфективно одделение при ЈЗУ ОБ Прилеп се примени во дневна болница 12 лица, со симптоми на труење со храна. При надзорот се земени брисеви од жива и нежива средина и мостра од храна. Дел од објектот кој е наменет за подготовка на производи од месо на скара е затворен и со лента од страна на ДСЗИ. Истиот ќе остане затворен се до добивање на резултати од земениот материјал, посочува директорката на ДСЗИ, Бухова.
Инаку, на сите пациенти им е дадена соодветна терапија и тие веќе се на домашно лекување.
Анита Буховски