MEЏИТИ: Не се укинува балансерот туку се унапредува
Објавено во: Македонија 08 Јули, 2024
Балансерот не се укинува, туку се унапредува во закон за правична застапеност.
Првиот вицепремиер и министер за животна средина и просторно планирање, Изет Меџити коментирајќи го тргањето на вадењето на нерезидентното население од балансерот нагласи дека тој не се укинува, туку се унапредува во закон за правична застапеност.
„Не се укинува балансерот туку се унапредува и тоа ќе биде во својство на закон за правична застапеност. Така што, тоа ќе биде во интерес на мултикултурната и мултиетничка држава Северна Македонија“, рече Меџити.
Опозициските партии на Албанците, обвинуваат дека се дискриминираат граѓаните кои не живеат во државата. СДСМ реагираат дека со носењето на закон, всушност само се трансформира, но не и укинува механизмот што во изминатите години предизвикуваше реакции.