Меџити: Обединетото Кралство ќе даде поддршка за изградба на нов Клинички центар
Објавено во: Македонија 01 Декември, 2023
Министерот за здравство Фатмир Меџити по работната посета на Обединетото Кралство и средбата со министерот за извоз, оддел за бизнис и трговија Лорд Малколм Офорд, соопшти дека добил уверување од од нивна страна за подготвеност за финансирање на проектот за изградба на новиот Универзитетски Клинички центар.
„На средбата, министерот Меџити ја поздрави континуираната поддршка што Република Северна Македонија ја добива од Обединетото Кралство, која е втор најголем економски партнер на нашата земја.
Тие разговараа за имплементација и промоција на извозната стратегија во здравствениот сектор и испорака на надворешни директни инвестиции како дел од надлежностите на министерот за извоз при Обединетото Кралство“, соопшти Министерството за здравство.
Министерот за извоз, Лорд Офорд од Гарвел, како што е објавено од страна на МЗ, изразил поддршка и подготвеност за воспоставување на соработка во сите области кои се во интерес на граѓаните на двете земји.