МЕЃУ НИВ ИМА И РАНЕТИ: Палестинци се примени во Египет
Објавено во: Свет 27 Јануари, 2024
Египет прими десетици странски државјани и Палестинци на кои им е потребна медицинска помош.
Државата вчера прими четириесетина Палестинци на кои им е потребна медицинска помош и 31 државјанин со странски пасош од Појасот Газа, соопштија египетските гранични власти.
Од почетокот на конфликтот на 7 октомври до 19 јануари, во земјата пристигнаа вкупно 528 авиони и 34 бродови со хуманитарна помош од четириесет земји и тринаесет организации. Дополнително, 7.179 камиони превезле 111.490 тони храна, лекови и медицински материјали.
Израел предложи високите лидери на палестинската терористичка група Хамас да ја напуштат Газа како дел од поширокиот договор за прекин на огнот.Турскиот претседател Реџеп Таип Ердоган ја поздрави вчерашната одлука на Меѓународниот суд на правдата во Хаг за тужбата на Јужна Африка против Израел за геноцидот во Појасот Газа.
Хамас на 7 октомври лани го нападна Изарел, уби над 1.400 израелски цивили, и странци, по што Израел почна операција во Газа за уништување на групата.