МЕКСИКО: Најмалку тројца убиени има на плажа во Акапулко
Објавено во: Свет 05 Февруари, 2024
Најмалку тројца убиени има на најпознатата плажа во Акапулко во Мексико.
Напаѓач дошол од морето со чамец и побегнал на ист начин, јави Си-Би-Ес Њуз. Гувернерот на пацифичката мексиканска република Гереро, каде што се наоѓа Акапулко, изјави дека назначил 60 вооружени детективи да патролираат по плажите по неодамнешните насилни инциденти. Насилството продолжува и покрај присуството на неколку илјади војници и Национална гарда распоредени во градот откако беше погоден од разорниот ураган Отис од петта категорија во октомври. Тогаш загинаа 52 луѓе, а 32 се водат како исчезнати, а скоро сите хотели во Акапулко беа тешко оштетени. Поправени се само дел од оштетените хотелски соби, околу 5.000.
Владата на мексиканската република Сонора, која се наоѓа северно од Гереро, предупреди дека нарко картелите регрутирале локални млади луѓе.
Фото EPA-EFE/David Guzmán