Меркел: Игралиштата, музеите и црквите може повторно да бидат отворени
Објавено во: Свет, Корона Вирус 30 Април, 2020
Германската канцеларка Ангела Меркел изјави дека игралиштата, музеите и црквите во Германија можат повторно да бидат отворени во согласност со условите кои поединечно ќе ги утврдат сојузните покраини.
Вели дека дополнително ублажување на рестриктивните мерки ќе биде соопштено на 6. мај, објави Ројтерс.
Канцеларката кажа дека е потребно Германија дополнително да го намали бројот на новозаразени на дневно ниво и дека мора да се почитуваат правилата за физичка дистанца на јавните места.
Мора да има минимално растојание од 1,5 метри во јавност и блиски средби само со по едно лице кое не живее во исто домаќинство.