Мицкоски: На новиот директор на АНБ му бил одземен, ама потоа му е вратен безбедносниот сертификат
Објавено во: Македонија 17 Октомври, 2024
Премиерот Христијан Мицкоски денеска пред медиумите рече дека на новоназначениот директор на Агенцијата за национална безбедност, Бојан христовски, му била нанесена неправда со тоа што му бил одземен безбедносниот сертификат.
Му бил одземен, но сега му е вратен, вели Мицкоски, кој смета дека Христовски не е партиски избор за оваа сензитивна функција.
-Христовски доби безбедносен сертификат и не гледам причина зошто човекот кој што го поминува речиси цeлиот работен век во безбедносниот сектор, да не ја извршува успешно челната позиција во АНБ. Има доста уплашени структури и има за што да се плашат, а се дел од поранешната власт. Во периодот што следи ќе ја дознаете вистината. - Христијан Мицкоски – Претседател на владата.
Од опозициската СДСМ пак, побараа Христовски да биде разрешен и обвинија дека власта според нив, спроведува опасна партизација на Агенцијата за национална безбедност, бидејќи бил претседател на градскиот комитет на ВМРО-ДПМНЕ.
Порачаа дека за владината одлука ќе ги информираат стратешките партнери на земјава. односно земјите членки на НАТО преку нивните амбасасади како и Европската комисија.
Христовски доаѓа на местото на разрешениот Зарко Милошевски во АНБ. Тој има искуство долги години во безбедносните институции. Кратко време беше директор на градското претпријатие „Паркинзи Скопје“, а на директорската позиција доаѓа од Министерството за внатрешни работи.