„МИНИСТЕРОТ НЕ БРКА ОД РАБОТА“: Таравари очекува директорите на клиниките да преземат мерки против лекарите
Објавено во: Македонија 17 Октомври, 2024
Министерот за здравство, Арбен Таравари, изјави дека
извештајот за смртта на 14-месечното дете е веќе завршен и доставен до
релевантните здравствени установи, вклучувајќи ја Клиниката за белодробни заболувања кај децата „Козле“, Клиниката за детски болести и Лекарската комора. Тој нагласи дека
досега не е поднесена жалба во врска со овој случај.
„Не сум судија, ниту обвинител, ангажирав компетентна Комисија која даде детален извештај што се случило. Извештајот е испратен до Клиниките, чекаме да видиме како ќе постапат директорите, понатаму ние можеме да постапиме врз директорите, меѓутоа врз вработените... нема никаде министер да избрка од работа. Министерството треба да инсистира на директорите да бидат преземени мерки кон тие доктори што направиле превид“, изјави министерот Таравари.
Случајот ја вознемири јавноста во Македонија, бидејќи родителите на детето ги обвинуваат лекарите за несоодветна грижа и доцнење во реакцијата, што резултираше со трагичниот исход.
фото: МИА