МИЦКОСКИ НАЈАВИ ИСТОРИСКИ РАСТ НА ПЛАТИТЕ ВО ЗДРАВСТВОТО - ќе се зголемат од 40 до 50 проценти во следните 4 години

Добивај вести на Viber

Вработените во здравствените инситуции во земајва во следните години ќе добиваат поголеми плати. Како што најави денеска премиерот Христијан Мицкоски, на заедничка пресконференција со претставниците на синдикалните организации од здравствениот сектор, во следните години ќе добиваат во просек од 5 до 10 проценти зголемување на платите. 

- Постигнавме еден договор кој што има историска димензија, покрај овие коефициенти кои што зборувавме сега што би значело зголемување за 10 проценти на паричната маса која што се издвојува за плати. Веќе следната година во март месец ќе имаме дополнителни 5 проценти зголемување на паричната маса која се издвојува за плати за здравствените работници, следната 2026 од 5 до 7 проценти, во зависност од тоа во каква состојба и кондиција ќе биде Буџетот, да се надеваме дека ќе биде навистина во здрава кондиција, а работиме на тоа - нагласи премиерот. 

Воедно дополни дека се планира раст од 5 до 7 процени на паричната маса и во 2027 година, а од 7 до 10 проценти во 2028 година. 

- Или кога ќе го земете целиот овој период во низа добиваме зголемување на паричната маса потреба за да се исплатат платите на здравствените работници за целиот период помеѓу 40 и 50 проценти. Навистина нешто кое што претставува историско и јас очекувам дека во текот на следните денови, повторно и од Министерството за здравство и од Фондот ќе излезат со нови позитивни пораки за здравствените работници и со тоа го заокружуваме тој циклус.

Следно кое што следи е реформи во самиот здравствен систем за граѓаните го добијат она кое што го заслужуваат - нагласи премиерот и голема благодарност до синдикалните организации и синдикатите кои што навистина конструктивно со свои идеи учествуваа во овој цел процес, заедно со како што веќе кажаа од страна на претставниците од синдикатите, Министерството за финансии, Министерството за здравство, Фондот за здравствено осигурување, тука беше и Лазар Јовевски кој што е дел од мојот кабинет како мој советник за трудово право и заедно со останатите кои што беа вклучени.