Мицкоски „плаче“ што не е пуштен во Собрание: Ако може Столтенберг и Могерини, зошто не и јас
Објавено во: Македонија 17 Октомври, 2018
Христијан Мицкоски, лидерот на ВМРО-ДПМНЕ, се огласи за Дојче Веле откако собранискиот спикер Талат Џафери вчера му го одби барањето да зборува од говорницата во законодавниот дом за уставните измени согласно со преспанскиот договор.
- Бидете трпеливи, денес-утре ќе го слушнете „забранетиот говор“ и сето она што сакам да и го соопштам на јавноста како моја порака. Јас знам дека во парламентот досега биле дозволени обраќања на многу личности кои не биле пратеници. Во изминатиот период се обрати Могерини, се обрати Столтенберг... Ако можеа странски претставници да се обратат, не разбирам зошто не може да се обрати и лидерот на најголемата опозициска партија? Во доцните деведесетти се обратија и студентите, и имаме многу други примери во минатото. A само еден ден претходно од премиерот чувме пораки за помирување, простување“, рече Мицкоски на едно од прашањата.
Тој го користи истиот партиски вокабулар и на можната амнестија, која како мантра произлезе од понудата за помирување од страна на премиерот Зоран Заев на првиот ден од собраниската седница за уставни измени, гледа како на „правда“ за обвинетите од 27 април.
- Обвинетите се невини жртви на политички прогон од страна на Зоран Заев и СДСМ. Заев во неговиот говор имаше можност ним и на нивните семејства јавно да им се извини за сѐ што претрпеа тие во изминатата година, но тој одлучи во негов манипулативен стил да условува, поддржете го Договорот со Грција и потоа ќе има амнестија. Срамота“, гласи коментарот на лидерот на опозицијата.
Додаде дека ја прифаќа понудата од Заев да седнат и да разговараат, но на истата средба да го прогласат преспанскиот договор за мртов. Тој вели дека Заев во преговорите со Атина влегол авантуристички, самобендисано, надмено, без да подготви амбиент.
Можеби ќе ве интересира
ЗА СЛУЧАЈОТ СО ЈИЛДИЗ ВЕАПОСКА: Со супервештачење ќе се утврдува одговорноста на лекарите
АГЕЛЕР: Гласачите на оваа земја треба да поставуваат тешки прашања на кандидатите, а потоа мора да гласаат
ПО ПОЛНОЌ ЛЕПЕЛЕ ПЛАКАТИ: Тетовската полиција уапси две лица
ЌЕ БИДЕ ПРЕМЕСТЕН ВО ДРУГО УЧИЛИШТЕ: Надлежните ќе преземат мерки против ученикот кој истепа наставничка
ИНДЕКС НА ЧОВЕКОВИОТ РАЗВОЈ: Македонија лошо котира
ВО ПУСТЕЦ: Наскоро ќе биде поставена биста на Гоце Делчев
ВАЖНО: Граѓаните со истечени лични документи од 24 јули 2023 година ќе можат да гласаат
УТРЕ НЕМА ДА РАБОТИ ЖИЧНИЦАТА, А АВТОБУСИТЕ ЌЕ ВОЗАТ ПО НЕДЕЛЕН ВОЗЕН РЕД: Еве што велат од ЈСП
