Мицкоски повика масовно да се излезе утре на протест
Објавено во: Македонија 01 Јуни, 2018
Лидерот на ВМРО-ДПМНЕ, Христијан Мицкоски од Прилеп повика масовно да се излезе на протест на 2 јуни.
Toj пред прилепчани истакна дека владеењето на премиерот Зоран Заев е исполнето со нереални ветувања и шарени лаги.
„Лажеа во предизборната кампања, лажеа дека ќе донесат 500 евра просечна плата, лажеа дека на докторите специјалисти ќе им донесат 100.000 денари просечна плата. Ветуваа поголеми субвенции за земјоделците, ветуваа подобар стандард за младите луѓе, ветуваа поголеми пензии за пензионерите и што ли уште не. Какви ли уште не шарени лаги ветуваа во предизборието во декември 2016 година, но еве се гледа дека ништо не исполнија“- рече Мицкоски.
Мицкоски се осврна и на владиното одбележување на една година влада, при што истакна дека лицемерно е што целата влада се наредила пред споменикот на ослободителите, бидејќи има разлика помеѓу партизаните кои ја ослободуваа државата, и владата кои ја разграбуваат земјата.
Тој посочи дека Владата на Заев нема прогрес во ниту една област.
Мицкоски повика што помасовно да се излезе на 2 јуни, кога ќе почне почетокот на крајот на оваа ненародна власт.
„Кога невистината и лагата ќе ви ги претставуваат како вистина, кога поразот и капитулацијата ќе се обидат да ви ги прикажат како победа. Како недостоинственото нешто ќе се обидат да ви го претстават како заштита на националните обележја. Тоа не смееме да им го дозволиме“ - вели Мицкоски.
Масовно да му кажеме на Зоран Заев и групата околу него доста е Македонија ќе победи, истакна Мицкоски.
Можеби ќе ве интересира
ДВЕ ЛИЦА ЗАГИНАА ВО СООБРАЌАЈКА НА ПАТОТ РАДОВИШ - ШТИП: едно лице е хоспитализирано
ГИ ИЗГРИЗАЛО КАБЛИТЕ ЗА ИНТЕРНЕТ - куче кое пропаднало во шахта ги остави без мрежа „Филип Втори“ и „Букурешт“
СООБРАЌАЈКА НА ПАТОТ РАДОВИШ - ШТИП: сообраќајот е во прекин
ЕЛЕКТРИЧЕН СТОЛБ ПАДНА НА ПАТОТ ГОСТИВАР - КИЧЕВО: кабли распослани по улицата, сообраќајот во прекин
ЕНОРМНО ЗГОЛЕМЕНИТЕ ПЛАТИ ЌЕ СЕ ВРЗАТ ЗА МИНИМАЛНАТА: Најчевска најавува „чистење“ преку укинување на бенефициите, еве што објави
ЌЕ СЕ СЛЕДАТ ТРАНСАКЦИИТЕ НА ФУНКЦИОНЕРИ, ОБВИНИТЕЛИ, БИЗНИСМЕНИ КОИ РАБОТАТ СО ДРЖАВАТА - еве што најави Димитриеска Кочоска
Стопанска комора: Избрзана, непазарна одлука за авто осигурувањето
КРИВИЧНИ ПРИЈАВИ ЗА УПРАВИТЕЛ И ДИРЕКТОР НА ЈП ПАЗАРИ БИТОЛА - злоупотребиле над 20 илјади евра
ПРОДОЛЖЕН ВИКЕНД ВО ГРЦИЈА ПА И ДА ВРНЕ: Македонците навалија кон соседите, еве како е на границите
