Мицкоски: „Рекет“ не може да се сведе само на тројцата осомничени
Објавено во: Македонија 29 Септември, 2019
Претседателот на ВМРО-ДПМНЕ Христијан Мицкоски, синоќа во Битола, изјави дека случајот „Рекет“ не може да се сведе само на тројцата осомничени.
Вели дека никој не е над законот, и дека сите кои се вмешани ќе одговараат.
Тој најави дека правдата ќе биде едно од главните ветувања на партија на следните избори.
Во Битола беше организирана акција „Разговори за обнова на Македонија“.
Во „Рекет“ осомничени се шоуменот Бојан Јовановски, бизнисменот Зоран Милевски Кичеец и поранешната јавна обвинителка, Катица Јанева.