Мицкоски: Сите знаат дека силата на тој октопод не се ниту прво, ниту второ осомничениот
Објавено во: Македонија 10 Август, 2019
Oдговорност од премиерот Зоран Заев вчера побара и лидерот на ВМРО-ДПМНЕ Христијан Мицкоски кој потсетува дека премиерот ја поставил обвинителката Катица Јанева како црвена линија во преговорите за новиот закон за обвинителство.
„Сите знаат дека силата на тој октопод кој изнудувал пари не се ниту прво, ниту второ осомничениот, туку власта преку слугите во обвинителството и судството ги легитимирала како нивна силна рака. Залудни се обидите за дефокусирање. Овој криминал на Заевци, надојден Вардар не го пере. Ако ваков криминал е блескањето со кое се фалат, тогаш премногу е“, пишува Мицкоски.
Заев повика истрагата да ги открие сите детали и сите да одговараат за она што го сториле.