Мигранти од Идомени тргнаа кон Македонија-бараат спас и дупки во оградите!
Објавено во: Балкан 14 Март, 2016
Околу 300 бегалци и мигранти денеска го напуштиле кампот кај Идомени на границата со Грција и Македонија и тргнале пеш кон отворот на оградата подигната долж границата, јави агенцијата АП.
Мигрантите меѓу кои и десетина деца се упатиле кон истокот долж Сува река, до неколку км оддалечена од границата, не обраќајки се на повикот на грчката полиција да се вратат.
Македонската полиција рано утрово од надојдената Сува река извади тројца мигранти кои се удавиле. Тие биле во група од 26 авганистански бегалци кои се обиделе илегално да ја преминат македонско-грчката граница во близина на Моин селото. Останатите се спасени и сместени во прифатниот центар „Винојуг“ кај Гевгелија.
Во кампот кај Идомени на грчката страна од границата со Македонија, според проценките има околу 14 000 бегалци кои сакаат преку Македонија да го продолжат патот кон Западна Европа, и покрај одлуката за затворање на границата за бегалци долж балканската рута.