МИЛИЈАРДИ ВО ИГРА - Фармацевтскиот гигант Фајзер купува производител на лекови за слабеење
Објавено во: Финансии 23 Септември, 2025 10:54
Американскиот фармацевтски гигант Фајзер потврди дека ја купува Метсера, компанија специјализирана за развој на лекови за слабеење, во договор вреден до 7,3 милијарди долари, вклучувајќи ги и идните плаќања.
Со овој потег, Фајзер ја зајакнува својата позиција на еден од најбрзо растечките и најпрофитабилните пазари - третмани против дебелина.
Според проценките, глобалниот пазар на лекови за слабеење би можел да достигне вредност од 150 милијарди долари до почетокот на 2030-тите, благодарение на големата побарувачка и успехот на терапиите со GLP-1, кои моментално ги водат Ново Нордиск и Ели Лили.
Фармацевтските компании брзо развиваат нови генерации лекови - лекови кои не само што ги намалуваат масните наслаги, туку помагаат и во зачувувањето на мускулната маса. Ова обезбедува подолгорочна и подобра контрола на телесната тежина, што претставува следната фаза од пазарната конкуренција, пишува Biznis.rs
Извршниот директор на Pfizer, Алберт Бурла, изјави дека аквизицијата на Metser отвора нова страница во развојот на компанијата:
„Со оваа аквизиција, Pfizer влегува во кардиометаболичката област уште посилно, користејќи ги своите глобални ресурси за да го забрза развојот на иновативни терапии против дебелина.“
Financial Times reports that Pfizer is "closing in" on a potential acquisition of clinical stage NY-based biotech Metsera for up to $7.3B (founded in '22, pipeline incl next generation anti-obesity drugs). Story by @mroliverbarnes $PFE $MTSR. Link to story is in the reply pic.twitter.com/IcVdHhGB0z
— Pearl Freier (@PearlF) September 22, 2025
Оваа одлука доаѓа откако Pfizer имаше неуспеси во сопствените обиди да го развие апчето за слабеење дануглипрон, чиј развој беше суспендиран поради несакани ефекти и проблеми со безбедноста.
Аналитичарите веруваат дека купувањето на Metser би можело да донесе „значајна предност“ за компанијата, бидејќи Pfizer ќе добие пристап до поширок спектар на потенцијални лекови кои би можеле да се разликуваат и во однос на начинот на примена и во однос на ефектите.
Фото: Принтскрин/Икс
Можеби ќе ве интересира
АЛТА БАНКА ЈА СТОПИРАШЕ ОДЛУКАТА ЗА КАДИЕВСКА ВОЈНОВИЌ - поранешната вицегувернерка сепак нема да биде дел од УО
СО ИМЕ И ПРЕЗИМЕ ОБЈАВЕНИ ГРАДОНАЧАЛНИЦИТЕ ШТО НЕ ПОДНЕЛЕ ИЗЈАВА ЗА ИМОТНАТА СОСТОЈБА: Меѓу нив се и дел од старо новите скопски градоначалници
Ова се просечните годишни плати во европските земји: Разликите се огромни, еве зошто
Рекорд на сите времиња: Илон Маск е најбогатиот човек во човечката историја
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Голем скандал во автомобилската индустрија: Возачите плаќале повеќе, производителите на батерии казнети со 72 милиони евра
Димитриеска-Кочоска: Буџетот е во одлична кондиција и обврските нема да останат несервисирани
Европските индекси растат, цените на златото повторно се близу до историски максимуми
Рекорд на пазарот на недвижности: Пентхаус во Дубаи продаден за речиси 130 милиони евра
