Милошоски: Нема двотретинско мнозинство, има притисоци
Објавено во: Македонија 19 Октомври, 2018
Претседателот на Собранието Талат Џафери да не одолговлекува и да ја стави точката за гласање на уставните измени на дневен ред. Така ќе се докаже дека нема двотретинско мнозинство, рече попладнево на прес конференција во Собранието, пратеникот од ВМРО-ДПМНЕ Антонио Милошоски.
„Во име на пратеничката група на ВМРО-ДПМНЕ ја користиме приликата да укажеме дека поминаа 19 дена од неуспепшниот референдум кој го организираше власта и на кој граѓаните рекоа дека не го поддржуваат Договор од Преспа. Одолговлекуваат со гласање 19 дена. Тоа е затоа што владеачкото мнозинство е свесно дека нема мнозинство. Бараме од Џафери без дополнително одлагање да ја стави точката на гласање и да види дека нема двотретинско мнозинство и дека нема услови и мандат за уставни измени. Ние ќе гласаме согласно волјата на граѓаните изразена преку пропаднатиот референдум, рече Милошоски.
На прашање дали има пратеници на ВМРО-ДПМНЕ кои ќе гласаат за, Милошоски рече дека владеачкото мнозинство терба да ја стави на гласање точката и ќе види дека волјата е посилна од притисоците кон пратениците.
Седницата беше презакажана за 15 часот.