Министерството за образование под хакерски напад
Објавено во: Македонија 10 Септември, 2022
Хакерски напад претрпе Веб-страницата на Министерството за образование и наука која утрово беше недостапна.
Одговорноста за сајбер-нападот ја преземаат грчки хакери. На сајтот на МОН свој потпис остави досега непозната хакерска група која се претставува како „Netwatchers“.
Сепак, при вакви напади, вообичаено се оставаат пораки кои треба да го насочат сомнежот за сторителите во погрешен правец.
Поради нападот, извесно време сите објавени линкови водеа кон грчко видео на Јутјуб со наслов „Познатата Македонија“ (Famous Macedonia).
Веб-страницата на МОН еднаш веќе беше нападната во февруари со наводно превземање на контролата врз надзорните камери во министерството, како и врз база податоци на министерството. Тогаш министерството го демантираше нападот.